په‌یاما لقێ ١٨(پ.د.ك) ب هه‌لكه‌فتا سالروژا مالئاڤایا بابێ روحی (بارزانیێ نه‌مر)
__2014_03_01_h9m36s22__RJ.jpg)
لقێ ١٨ی پارتی دیموكراتی كوردستان ب هه‌لكه‌فتا بیره‌وه‌ریا سالڤه‌گه‌را مالئاڤایا بابێ روحی و نه‌ته‌ویێ گه‌لێ كوردستانێ (بارزانیێ نه‌مر) په‌یامه‌ك به‌لاڤكریه و ئه‌ڤا ل خارێ ده‌قێ وێیه:-
ب هه‌لكه‌فتا بیره‌وه‌ریا سالڤه‌گه‌را مالئاڤایا بابێ روحی و نه‌ته‌ویێ گه‌لێ كوردستانێ (بارزانیێ نه‌مر) سه‌رێ رێزو رومه‌تێ بو گیانێ ویێ پاقژ و سه‌رجه‌م شه‌هیدێن رێكا بزاڤا ئازادی خوازیا گه‌لێ كوردستانێ دچه‌مینین و بگه‌رمی سلاڤان دهنێرین بو كه‌سوكارێن شه‌هیدان و پێشمه‌رگێن قه‌هره‌مان پارێزڤانێن گه‌ل و وه‌لاتی و په‌ككه‌فتیێن دلێر و هه‌می جه‌ماوه‌رێ كوردستانێ.
بخه‌م و كوڤان ڤه د روژه‌كا وه‌كو ئه‌ڤرو دا رێكه‌فتی (1/3/1979) ب ئه‌گه‌رێ ئێشه‌كا گران ( بارزانیێ نه‌مر) مالئاڤایی ل گه‌ل و وه‌لاتێ خو كر و كه‌سه‌ره‌كا گران ئێخسته دلێن سه‌رجه‌م خه‌لكێ كوردستانێ دا.
ژ هه‌ژیه بێژین (بارزانیێ نه‌مر) بدرێژیا پتر ژ نیڤ سه‌دێ خه‌بات وتێكوشینا گه‌لێ كوردستانێ، سه‌ركردایه‌تیا زنجیره‌یه‌كا شوره‌ش و به‌رخودانێن رێكخراوه‌یی و جه‌ماوه‌ری كریه و ب ئاوایه‌كێ سه‌ركه‌فتییانه سه‌ره‌ده‌ری دگه‌ل كاودانێن ده‌ره‌كی و نافخوی یێن پر ئالوزدا كریه و ده‌ستكه‌فتێن مێژووی بده‌ستڤه ئیناینه مینا هشیاركرنا گه‌لێ كوردستانێ ب هه‌می ته‌خ و چین و ئول و نه‌ته‌وا بدوزا ره‌وایا نشتیمانی و نه‌ته‌ویی ڤه و ئاماده‌كرنا خه‌لكێ كوردستانێ بو گیانێ قوربانی دانێ دژی زولم و زورداریا دوژمنان و ناساندنا مه‌زلومیه‌تا ملله‌تێ كورد ب رایا جڤاكێ نیڤ ده‌وله‌تی و ملكه‌چ كرنا ده‌ستهه‌لاتدارێن به‌غدا بو دان وستاندن و دان پێدان ب ماڤێن ره‌وایێن گه‌لێ كورد
زێده‌باری ل پاش خو هێلانا كه‌لتوره‌كێ نیشتیمانی وشورشگێرانه كو جهێ شانازیا هه‌ر وه‌لات پارێزه‌كێ كوردستانێ یه.
بێ گومان ده‌ستكه‌فتێن ئه‌ڤرو بده‌ستڤه هاتین ڤه‌رێژا خه‌بات و تێكوشینا رێبازا پیروزا پارتی و (بارزانیێ نه‌مر)ه، ئه‌ورێبازا دهێته پاراستن و درێژی پێ دهێته دان ژلایێ سه‌روكێ هێژا و خوشتڤی سه‌روكێ كوردستانێ (مسعود بارزانی)، له‌وما داخازاێ دكه‌ین ئه‌ڤ هه‌لكه‌فته ببیته هانده‌ره‌ك ژبو نوی كرنا سوزو په‌یمانا و پتر خرڤه‌بونا جه‌ماوه‌رێ كوردستانێ لدورێن رێبازا پارتی و بارزانی ژبو پاراستنا وان ده‌ستكه‌فتێن (بارزانیێ نه‌مر) هه‌می ژیانا خو بو ته‌رخان كری .
لقا18 یا پارتی دیموكراتی كوردستان
نڤێسینگه‌ها ره‌وشه‌نبیری و راگه‌هاندن
٢٨/٢/٢٠١٤
