چەندین پێدڤیێن پزیشكی ل دەروازێ نیڤدەولەتی ئیبراهیم خەلیل هاتنە دەستەسەر كرن
زاخو-KDP.info/ چەندین پێدڤیێن پزیشكی كۆ شۆڤێرەكێ تورك لبەر بوو ب رێكێن نەیاسایی ل ئیبراهیم خەلیل بینیتە دناڤ هەرێما كوردستانێ دا، هاتنە دەستەسەر كرن.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل (نه‌جمه‌دین نێروه‌یی) بو kdp.info راگه‌هاند،ئەڤرۆ رێكەڤتی 19/2/2014ێ، ل كومەلگەها دەروازێ نیڤدەولەتی ئیبراهیم خەلیل، شۆڤێرەكێ تورك هەول دابوو ب رێكەكا نەیاسایی و ڤەشارتی كومەكا پێدڤیێن پزیشكی لبن بارێ ترۆمبێلا خۆ یا بارهەلگر ڤەشێریت و ب نیاز بوو بینیتە دناڤ هەرێما كوردستانێ، لێ خۆشبەختانە ئەو ژ لایێ كارمەندێن هوبا دیڤچوونا گشتی و هوبا لێگەریانێ ڤە هاتە دەستەسەر كرن و رێك بۆ نەهاتە دان ئەو ڤان كەل و پەلان دەرباز بكەت.
نه‌جمه‌دین نێروه‌یی‌ئاشكه را كر ، كو ئەڤ كەل و پەلە كۆ لبن بارێ حەلان و مەرمەری هاتبوونە ڤەشارتن، پێك هاتبوون ژ 200 دانەیێن ئامیرێن كونترۆلا شەكرێ، 1002 دانەیێن قودیكێن دەرزیێن كونترولا شەكرێ، ئێك دانە ئامیرێ (لیتوتری سیستەم) بۆ كێشانا ئاڤ و خوین و عەداڤێ ل سنگی، 300 دانەیێن سوندەیان بۆ نەشتەرگەریان و چەندین كەل و پەلێن دی.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیلدیاركر كو شۆڤێر ژی دێ ل دیڤ رێنما و یاسایێن گومركی هێتە سزا دان.
