شانده‌كێ خودان كارێن ئیتالى سه‌را ژوورا بازرگانیا پارێزگه‌ها دهوكێ دا
دهوك-KDP.info/ ژپێخه‌مه‌ت وه‌رگرتنا كارى و زێده‌كرنا به‌رهه‌مێ ئیتالى د بازراێ كوردستانێ و دیتنا برێكاران بۆ به‌لاڤه‌كرنا به‌رهه‌مێ ئیتالى، قونسلخانه‌یا ئیتالى سه‌ره‌دانه‌ك بۆ بازرگانێن ئیتالى دبیاڤێن كاره‌با و ساخله‌مى و ئاڤاكرن و ئه‌لكترونیك و چاندن و وه‌رزش و جل و به‌رگان ل هه‌رێما كوردستانێ رێكخست، ئه‌ڤرۆ 12/2/2014ێ (12) بازرگانێن ئیتالى ب سه‌رۆكایه‌تیا (كارمیلۆ ڤیگارا) قونسلێ گشتى یێ ئیتالیا ل هه‌وه‌لێرا پایته‌خت سه‌ره‌دانا ژوورا بازرگانى و پیشه‌سازى یا دهۆكێ كر و ژلایێ سه‌رۆك و ئه‌ندامێن ژوورێ ڤه هاتن پێشوازیكرن.
د جڤینه‌كێ دا ( حه‌سه‌ن عه‌بدولحه‌لیم) سه‌رۆكێ ژوورا بازرگانى و پیشه‌سازى یا دهۆكێ پشتى بخێرهاتنێ خوه‌یاكر كو په‌یوه‌ندیێن ژوورا بازرگانى و دگه‌ل ژوورێن بازرگانیێن ئیتالى و قونسلخه‌یا ئیتالى نه‌مازه یا ئیتالیا پایته‌ختێ ئیتالیا د كه‌ڤنن و گه‌له‌ك جاران شاندێن بازرگانى یێن دهۆكێ سه‌ره‌دانا پێشانگه‌هێن ئیتالى كرینه، سه‌رۆكێ ژوورێ خواست كو ئه‌ڤ په‌یوه‌ندیه زێده‌تر پیشڤه بچن و به‌رهه‌مى ئیتالى زێده‌تر بگه‌ڤیته د بازارێ كوردستانێ ده و خوه‌یاكر كو ئه‌ڤ پێنگاڤه ب ڤان جوه سه‌ره‌دانا و پشكداریكرن د پێشانگه‌هێن هه‌ڤ دوو ده و ڤه‌كرنا ئوفیسێن وان یێن بازرگانى ل پارێزگه‌هێن هه‌رێمێ داكو راسته‌وخو پشكدارى د ته‌نده‌رێن حكومه‌تێ و كه‌رتێ تایبه‌ت دا بكه‌ن.
قونسلێ ئیتالى كارمیلو ڤیگارا د په‌یڤا خوه دا خوه‌یاكر كو ئه‌و گه‌له‌ك حه‌ز دكه‌ن سه‌رمایه‌دارێن ئیتالى سه‌رمایێ خوه بینه هه‌رێما كوردستانێ ژبه‌ر ئارامیا ده‌ڤه‌رێ، دیسان مه كریه د پرۆگرامێ قونسلخانه‌یا ئیتالى ده ل هه‌رێمێ كو ده‌م بۆ ده‌مى ئه‌م شاندێن بازرگانى یێن ئیتالى بینه كوردستانێ داكو راسته‌و خو ره‌وشا ئاراما كوردستانێ و پیشڤه‌چونا ئابوورێ وێ ببینن و به‌رده‌وام ژ پشكدارى گشت سه‌كته‌رێن پێشڤه‌چونا ئابوورى ببن ل هه‌رێمێ.
ل په‌ى دا سه‌رمایه‌دار و خودان و نوونه‌رێن كومپانیێن ئیتالى كت كته كارێ خوه ب داتا شویێ بۆ بازرگانێن دهۆكێ شلوڤه كر، و لسه‌ر نان خوارنێ كومه‌كا گروپێن هاتن دروستكرن و بازرگانیێن هه‌ردوو ئالیان گه‌نگه‌شا چه‌وانیا ڤێكره كاركرنێ دكر.
