كونسلێ ئیتالیا و9 كومپانیێن وی وه‌لاتی سه‌را پارێزگه‌ها دهوك دان
دهوك-KDP.info/ ئه‌ڤرو به‌رێز (بهزاد علی ئاده‌م) جێگرێ پارێزگه‌رێ دهوكێ پێشوازیا (كارمیللو فیكارا) كونسلێ ئیتالی ل هه‌ولێرێ ونونه‌رێن 9 كومپانیێن ئیتالی كر .
دورنشتنه‌كێدا كونسلێ ئیتالی یا دیار كو 9 كومپانیێن ئیتالی دبیاڤێ پێشئێخستنا ژێر خانه‌یێ دا ونه‌خشه‌دانانا پروژان ویێن شیره‌تكاری و وزێ وئه‌ندازیاریێ وچاندنێ وبه‌رهه‌مێ گیانه‌وه‌ریێ دا دگه‌ل خوئیناینه بو هندێ ده‌لڤێن كاری بو په‌یدابن وكار وپروژا ل هه‌رێما كوردستانێ ئه‌نجامده‌ن وخواست كو كارگێریا پارێزگه‌هێ یا هاریكاربیت .
ژلایێ خوڤه جێگرێ پارێزگه‌رێ دهوكێ خوشحالیا خو ب سه‌ره‌دانێ نیشان دا وته‌كه‌زكر كو گه‌له‌ك بیاڤ هه‌نه كومپانیێن ئیتالی كاری تێدا بكه‌ن وپشته‌ڤانیا پارێزگه‌هێ بو هه‌ر ئاسانكاریه‌كێ نیشان دا .
پاش ل هولا كومبونا ب ئاماده‌بونا جێگرێ پارێزگه‌ری وكونسلێ ئیتالی كومبونه‌كا هه‌ڤپشك دناڤبه‌را نونه‌رێن كومپانیێن ئیتالی ورێڤه‌به‌رێن فه‌رمانگه‌هێن پارێزگه‌هێ یێن په‌یوه‌ندیدار هاته سازكرن وكومپانیێن ئیتالی بیاڤێن كار كرنا خو بو به‌رهه‌ڤبویا دانه دیاركرن وته‌كه‌زكرن كو ئه‌وان دڤێت كار وپروژا ل هه‌رێما كوردستانێ ب گشتی وده‌ڤه‌را دهوكێ ب تایبه‌تی ئه‌نجامه‌ن .
پاش دان وستاندن ب تێر وته‌سه‌لی ل دور كارێ هه‌ر كومپانیه‌كێ هاتنه كرن. بریار ئه‌وه شاندێ هان سه‌را چه‌ند كومپانی سازیێن پارێزگه‌ها دهوكێ بده‌ن ودان وستاندنا دگه‌ل وان بكه‌ن بو ئه‌نجامدانا كاروپروژان.
