جێگرێ پارێزگه‌رێ دهوكێ پێشوازیا رێڤه‌به‌رێ نڤێسینگه‌ها په‌یوه‌ندیێن وه‌لاتێ یونان ل هه‌رێمێ كر
دهوك-KDP.info/ به‌هزاد على ئاده‌م جێگرێ پارێزگه‌رێ دهوكێ پێشوازیا (نیكولاس لوكاس ) رێڤه‌به‌رێ نڤێسینگه‌ها په‌یوه‌ندیێن وه‌لاتێ یونان ل هه‌رێما كوردستانێ كر.
دهه‌ڤدیتنه‌كێدا رێڤه‌به‌رێ نڤێسینگه‌ها په‌یوه‌ندیێن وه‌لاتێ یونان به‌حسێ پلانا وه‌لاتێ یونان كر بوبهێزكرنا په‌یوه‌ندیێن خو دگه‌ل هه‌رێما كوردستانێ ل سه‌رهه‌موو ئاستان ودیاركر كو ڤه‌كرنا كونسلخانا یونان ل كوردستانێ گیروبویه وئه‌گه‌رێن ڤێ گیروكرنێ بو كاودانێن نافخویى یێن یونانێ ڤه‌گه‌راندن وته‌كه‌زكر كو ل حه‌فتیا بهێت شانده‌كێ سیاسى وبازرگانى یێ یونانى دێ سه‌را هه‌رێما كوردستانێ ده‌ت هه‌روه‌سا گوت ل هه‌یڤا ئادارێ وه‌لاتێ وى دێ شانده‌كێ ژورێن بازرگانى یێن كوردستانێ وئیراقێ داخوازكه‌نه یونان دا كو دان وستاندن دناڤبه‌را هه‌ردوو لایان دا بهێنه كرن وهه‌مى جورێن په‌یوه‌ندیان بهێنه خورتكرن وداخاز ژپارێزگه‌ها دهوكێ كر كو هاریكاربن بو سه‌رئێخستنا به‌رنامێ وان.
ژلایێ خوڤه جێگرێ پارێزگه‌رێ دهوكێ خوشحالیا خو ب سه‌ره‌دانێ دیاركر وخواست كو كومپانى وبازرگان وسه‌رمایه‌دارێن یونانى بهێنه پارێزگه‌ها دهوكێ وپروژێن وه‌به‌رهێنانێ ئه‌نجامده‌ن چونكه قانونێن وه‌به‌رهێنانێ ل هه‌رێمێ زور ئاسانكاریا بو كومپانى وه‌به‌رهێنه‌رێن بیانى دكه‌ت وپشته‌ڤانیا پارێزگه‌هێ نیشان دا بو هه‌ر هاریكاریه‌كێ.
