پارێزگه‌رێ دهوكێ پێشوازیا رێڤه‌به‌را به‌نكا نیف ده‌وله‌تى ل روژهه‌لاتا ناڤه‌راست و باشورێ ئه‌فریقیا كر
دهوك-KDP.info/ پارێزگه‌رێ دهوكێ ( ته‌مه‌ر ره‌مه‌زان) پێشوازیا شانده‌كێ به‌نكا نیڤ ده‌وله‌تى ب سه‌روكاتیا (خاتو پاتریشا ) رێڤه‌به‌را به‌نكا نیڤ ده‌وله‌تى ل روژهه‌لاتا ناڤه‌راست و باشورێ ئه‌فریقیا كر.
دهه‌ڤدیتنه‌كێ دا ب ئاماده‌بونا رێڤه‌به‌رێ گشتى یێ رێك و پرا وئاڤاكرن و ئاكنجیكرنێ ل دهوكێ به‌حسێ به‌رنامێن كارگێریا پارێزگه‌هێ یێن ئاڤه‌دانكرنێ و پێدڤیێن گرنگ یێن گرێداى ژیانا روژانه‌یا وه‌لاتیان هاته كرن.
پارێزگه‌رێ دهوكێ به‌حسێ بزاڤا بازرگانى یا ده‌رگه‌هى ابراهیم خه‌لیل یێ سنورى دگه‌ل توركیا و ئه‌و بزاڤا خورتا تێدا دهێته كرن بو رێڤه‌به‌را به‌نكا نیڤ ده‌وله‌تى دیار كر.
دداخویانیه‌كێ ئه‌ندازیار (ئه‌مین حسێن عه‌بدولرحمان ) رێڤه‌به‌رێ گشتى یێ رێك و پرا و ئاڤاكرن وئاكنجیكرنێ ل پارێزگه‌ها دهوكێ دیار كر كو ئارمانج ژ سه‌ره‌دانێ ئه‌وه ژنێزیك رێكا سه‌ره‌كى ژ دوریانا دێره‌بین تا دگه‌هیته دوریانا گرشین ببین . ژبه‌ركو به‌نكا نیڤ ده‌وله‌تى قه‌ره‌كێ 355 ملیون دولارى دێ ده‌ته عێراقێ ژوى 17% بو كوردستانێ یه و ئه‌و پارێ كوردستانێ ژى دێ ل رێكاسه‌ره‌كى ژ دوریانا دێره‌بین تا دگه‌هیته دوریانا گرشێن زاخو هێته خه‌رجكرن و ئه‌ف رێكه ب وى پاره‌ى كود بیته 60 ملیون دولار هێته چێكرن و بریاره ل هه‌یڤا 8 یا ئه‌ف ساله ده‌ست پێ بهێته كرن و رێك ب دووسایدا و هه‌ر سایده‌ك ب سێ لینا دێ هێته چێكرن.
هه‌ژى گوتنێ یه هه‌ر ئه‌ڤرو شاندێ نافبرى دگه‌لدا رێڤه‌به‌را رێك و پرا ل دهوكێ سه‌را رێكا نافبرى دا و سه‌حكره سه‌روبه‌رێ وێ.
