چەندین پێداویستیێن پزیشكی ل ئیبراهیم خەلیل دهێنە دەستەسەركرن

زاخو- تایبه‌ت ب  KDP.info/ هوبا دیڤچوونا گشتی، ل كومەلگەها دەروازێ‌ نیڤدەولەتی ئیبراهیم خەلیل، 95 كیلۆیێن پێداویستیێن پزیشكی، دناڤ ترۆمبێلەكا توركی دا دەستەسەر كرن.

 به‌رپرسێ‌ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل (نه‌جمه‌دین نێروه‌یی‌) بو kdp.info راگه‌هاند:ل رێكەڤتی 2/2/2014ێ‌، هوبا دیڤچوونا گشتی ل كومەلگەهێ‌، شیان 95 كیلۆیان، ژ پێداویستیێن پزیشكی دەستەسەر بكەن و نەهێلن ب شێوەیەكێ‌ نەیاسایی بهێنە دناڤ هەرێما كوردستانێ‌ دا.

نه‌جمه‌دین نێروه‌یی دیاركر ئەڤ كەل و پەلێن پزیشكی هاتبوونە ڤەشارتن دناڤ ترۆمبێلەكا توركی، كۆ یا باركری بوو ژ ئاسنی و شۆڤێری ڤیایە ب شێوەیەكێ‌ نەیاسایی بینیتە دناڤ هەرێما كوردستانێ‌ دا، لێ‌ هوبا دیڤچوونا گشتی شیان دەست ب سەردا بگرن و نەهێلن شۆڤێر بگەهیتە ئارمانجا خۆ.
تێ‌ گۆتن كۆ شۆڤێر ژی دێ‌ ل دیڤ رێنمایی و یاسایێن گومركی هێتە سزادان.