ئەم ھەفتەیە مووچەی مامۆستایان خەرج دەکرێت

ھەولێر-تایبەت بەKDP.info/ وەزارەتی پەروەردەی حکوومەتی ھەرێمی کوردستان رونکردنەوەیەک بڵاو دەکاتەوە وتێدا ھاتووە،دوابەدوای  دواکەوتنی  مووچەی مانگی کانونی یەکەمی رابردوو، ئەمڕۆ 2/2/2014   وەزیری پەروەردە  د.عێمت محمد خالد  ڕایگەیاند، لە پەیوەندی  بەردەوام  داین  لەگەڵ وەزارەتی  دارایی  حکوومەتی  ھەرێمی کوردستان  بۆ  دابینکردن و دابەشکردنی مووچە  بەزووترین کات.

ھەر لەرونکردنەوەکەدا ھاتووە،وەزارەتی دارایی لە دوایین ڕوونکردنەوەیدا پێی راگەیاندین ،کە ئامادەکاری کراوە   بۆ خەرجکردنی  مووچەی  مامۆستا و فەرمانبەرانی  وەزارەتی پەروەردە  لەم ھەفتەیەدا.

ئەمەش لەکاتێکدایە،یەکێتی مامۆستایانی کوردستان بڕیاریداوە ئەگەر تاوەکو پێنجی ئەم مانگە مووچەی مامۆستایان نەدرێت لەسێ وانە لەسەرتاسەری ھەرێم بایکۆتی خوێندن دەکەن.