پارێزگه‌رێ دهوكێ پێشوازیا شانده‌كێ ژورا بازرگانى و پیشه‌سازیا دیار به‌كر كر
دهۆک-KDP.info/ رێزدار( ته‌مه‌ر ره‌مه‌زان) پارێزگه‌رێ دهوكێ پێشوازیا شانده‌كێ ژورا بازرگانى و پیشه‌سازیێ دیار به‌كر ب سه‌روكاتیا محه‌مه‌د ته‌كین كر, دهه‌ڤیتنه‌كێ دا به‌حسێ بزاڤا بازرگانى و پیشه‌سازى ل ده‌ڤه‌رێ ب تایبه‌تى پیشه‌سازیا چاندنێ هاته كرن, , ژلایێ خوڤه سه‌روكێ شاندى دیار كر كو ئارمانج ژ سه‌ره‌دانا وان بو كوردستانێ ئه‌وه تێكه‌لیێن بازرگانى و پیشه‌سازى دگه‌ل ژورێن بازرگانى یێن هه‌رێما كوردستانێ ب گشتى و ژورا بازرگانى و پیشه‌سازیا پارێزگه‌ها دهوكێ ب تایبه‌تى دورست بكه‌ن و بزاڤێ بكه ن كو روله‌كێ به‌رفره‌ه و باش دئاڤاكرنا ده‌ڤه‌رێ دا ژ هه‌مى لایه‌كى ڤه ببینن و گوت تا نوكه وان ب رێژا 1 % ژ بازاڤا بازرگانى یا توركیا هه‌ى دگه‌ل هه‌رێما كوردستانێ پشكدارى هه‌یه و ئه‌و دخوازن ڤى رێژى به‌رفره‌ه بكه‌ن و دیار كر كو وان حه‌ز هه‌یه دبیاڤێن وه‌به‌رئینانێ و پیشه‌سازیێ و چاندنێ پشكداریێ بكه‌ن.
ژلایێ خوڤه پارێزگه‌رێ دهوكێ ئاماژه‌كره وى قه‌بارى بازرگانى یێ هه‌رێمى دگه‌ل وه‌لاتێ توركیا هه‌ى و دیار كر كو ئه‌ف قه‌باره سال بو سالێ به‌رفره‌ه دبیت و خواست كو ئه‌و بزاڤێ بكه‌ن رێژا پشكداریا خو دڤێ بازرگانیێ دا زێده‌بكه‌ن و هه‌فكارى و هاریكاریا كارگێریا پارێزگه‌هێ بو هندێ ئه‌و روله‌كێ باش ببین دوپاتكر.
هه‌ر ئه‌ڤرو شاندێ نافبرى دگه‌ل جێگرێ پارێزگه‌رێ دهوكێ به‌هزاد عه‌لى ئاده‌م ژى كومبو و گه‌نگه‌شه ل سه‌ر چاواتیا به‌رفره‌هكرنا رولێ وان دئاڤاكرنا ده‌ڤه‌رێ دا. هه‌ژى كوتنێ یه شاندێ ژورا بازرگانى و پیشه‌سازیا دیاربكر سه‌ره‌دانا هه‌ڤلیرێ و سلێمانیێ ژى دایه و دگه‌ل ژورێن بازرگانى و پیشه‌سازى یێن وان كومبوینه.
