ب ئه‌گه‌رێ ئاگربه‌ربونێ ل ئیبراهیم خه‌لیل 10كه‌سان گیانێ خوه ژده‌ستداینه
زاخو-KDP.info/ لگوره‌ی ئامارا بنگه‌هێ رزگاری یا به‌ره‌ڤانیا باژێری، ل سنورێ وان، ژ بلی زیانێن گیانی، پتری 4 ملیار دیناران، زیانێن ماددی ژی هه‌بووینه.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل (نه‌جمه‌دین نێروه‌یی) بو kdp.info راگه‌هاند، كو ل دیڤ ئامارا بنگه‌هێ رزگاری یا به‌ره‌ڤانیا باژێری، ل كومه‌لگه‌ها ده‌روازێ نیڤده‌وله‌تی ئیبراهیم خه‌لیل، ل سنورێ وان ل سالا 2013ێ (83) روودانێن ئاگر به‌ربوونێ هه‌بووینه و ب گوژمێ چوار ملیار و 800 ملیون و 665 هزار دیناران، زیان گه‌هشتینه وه‌لاتیان.
(نه‌جمه‌دین نێروه‌یی) دیاركرژی ل گوره‌ی ئامارا بنگه‌هێ رزگاری ل كومه‌لگه‌ها ئیبراهیم خه‌لیل، پترترین روودان، یێن هه‌یڤا حه‌فت بووینه، كۆ 17 روودان بووینه. هه‌ر ب گوره‌ی وێ ئامارێ، پتریا روودانێن ئاگری، سه‌ده‌ما 21 ژ وانا، كاره‌با بوویه و پتریا تشتێن ب سه‌ده‌ما ئاگری هاتینه سۆتن ژی، 26 ترۆمبێل و 18 روودانێن پیشێ هشك بووینه و د وان روودانێن كارمه‌ندێن بنگه‌هێ‌َ رزگاری تێدا به‌شداری كری، بۆ كونترۆل كرنا ئاگری، 10 كه‌سان زیانێن گیانی هه‌بووینه، كۆ پتریا وان ل روودانا ڤێ داویێ ل گه‌لیێ زاخۆ گیانێ خۆ ژ ده‌ست دابوو.
