پارێزگه‌رێ دهوكێ سه‌را ده‌ڤه‌را ئامێدیێ دا وچه‌ند پروژێن خزمه‌تكاری ڤه‌كرن و به‌رێ بنیاتی بو چه‌ندێن دی دانا
ئامێدی- تایبه‌ت به KDP.info/ بو دوڤ چونا ره‌وشا كار وپروژێن خزمه‌تكاری یێن حكومه‌تا هه‌رێما كوردستانێ ل سنورێ ده‌ڤه‌رداریا ئامێدیێ ئه‌ڤرو 26/1/2014رێزدار ته‌مه‌ر ره‌مه‌زان پارێزگه‌رێ دهوكێ ب یاوه‌ریا شانده‌كێ فه‌رمانگه‌هێن په‌یوه‌ندیدار سه‌را ده‌ڤه‌را ئامێدیێ دا و ژ لایێ قایمقامێ ئامێدیێ و رێڤه‌به‌رێن رێڤه‌به‌ری و فه‌رمانگه‌هێن میری ل ده‌ڤه‌را ئامێدیێ هاتن پێشوازیكرن، دڤێ سه‌ره‌دانێ دا ناحیا شێلادزێ ڤه‌كر و ددوڤدا به‌رێ ینیاتی بو چه‌ند پروژان هاته دانان وچه‌ند پروژێن ب دوماهی هاتین هاتن ڤه‌كرن ژوانا :-
• ڤه‌كرنا پرا دناڤبه‌را كومه‌لگه‌ها سیریێ وبالندا و ڤه‌كرنا پرا دناڤبه‌را شێلادزی وده‌ڤه‌را زێبار كوژمێ هه‌ردوو پروژان 18ملیار دینار بون .
• دانانا به‌رێ بنیاتێ بو رێكا سه‌ره‌كی یا شێلادزێ - سیریێ جووت ساید ب كوژمه‌یێ 17،760،464،000) ملیار دیناران
• دانانا به‌رێ بنیاتی بو پرا كڤانه‌یی یا دێره‌لوكێ و كوژمه‌یێ (7،400.000.000) ملیاردیناران بوهاتینه ته‌رخانكرن لسه‌ر بودجا وه‌زاره‌تا باژێرڤانی وگه‌شت و گوزار.
• ڤه‌كرنا رێكا جوت سایدێ سه‌نته‌رێ دێرالوك بكوژمێ 13ملیار دیناران .
• ڤه‌كرنا رێكا سه‌ره‌كی یا دێره‌لوك - شێلادزێ كو ژئالیێ رێڤه‌به‌ریا رێك و پران ل دهوكێ هاتبو سه‌خبێركرن و كوژمه‌یێ (2،182،235،000) ملیار دینارانبو هاتبو ته‌رخانكرن لسه‌ربودجا حكومه‌تاهه‌رێما كوردستانێ .
• به‌رێ بنیاتی بو ئاڤاكرنا شوقێن كێم ده‌رامه‌تان ل ده‌ڤه‌را ئامێدیێ كو بكوژمێ 11ملیار دیناران .
• دانانا به‌رێ بنیاتی بو چێكرنا شوقه‌یێن كێم ده‌رامه‌تان ب كوژمه‌یێ (10،171،006،000) لسه‌ر بودجاو ه‌زاره‌تا ئاڤه‌دانكرنێ و نیشته‌جێبونێ بو هاتینه ته‌رخانكرن ب دوو قوناغا 192 شوقه دێ هێنه ئاڤاكرن.
• دانانا به‌رێ بنیاتی بو رێكا وتورا ئاڤ وكاره‌بێ ل تاخێ (كولان) ل شێلادزێ بكوژمێ ملیاره‌ك و600ملیون دیناران .
• به‌رێ بنیاتی بو یاریگه‌ها بچیك ل ئامێدیێ ب كوژمێ 700ملیون دیناران .
• ڤه‌كرنا باخچه‌كێ زاروكان ل ئامێدیێ بكوژمێ 750ملیون دیناران.
• دانانا به‌رێ بنیاتی بو چێكرن وبه‌رفره‌هكرنا رێكا به‌رێ سیلێ وكانیا ماڵا ب كوژمه‌یێ (2،779،699،000) ملیاردیناران لسه‌ر بودجا حكومه‌تا هه‌رێما كوردستانێ وژلایێ رێڤه‌به‌ریا رێك وپران ل دهوكێ ڤه دهێته بجهئینان.
و ژبلی وان پروژان ژماره‌كا پروژێن دن یێن بچوك دێ هێنه بجهـ كرن وگه‌له‌ك داخازیێن خه‌لكێ ده‌ڤه‌رێ دێ لبه‌ر چاڤ هێنه وه‌رگرتن.
