ل ئیبراهیم خەلیل، 12500 فیشەكێن تاپوری جڤتی هاتنە دەستەسەر كرن
زاخو-KDP.info/ ل كومەلگەها دەروازێ نیڤدەولەتی ئیبراهیم خەلیل، 12500 فیشەكێن جڤتان كۆ بۆ نێچیرا گیانەوەرێن كیڤی دهێنە بكار ئینان، هاتنە دەستەسەر كرن.
نه‌جمه‌ددین نێروه‌یی، به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل بو kdp.infoدیار كر، هوبا لێگەریانێ ل كومەلگەها دەروازێ نیڤدەولەتی ئیبراهیم خەلیل شیان 12500 دانەیان ژ فیشەكێن جڤتان، كۆ ب (فیشەكی تاپوری جڤت) دهێنە نیاسین، دەستەسەر بكەن و رێكێ نەدەن بهێنە دناڤ هەرێما كوردستانێ دا.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل ئاشه‌كرا كر ژی، ئەڤ فیشەكە كۆ ژ بۆ نێچیرا گیانەوەرێن كیڤی یێن بچووك دهێنە بكار ئینان، ل بن بارێ جلكان د ناڤ ترومبێلەكا توركی یا بارهەلگر هاتینە دەستەسەر كرن، ئەڤ ترۆمبێلەژی ژ وەلاتێ توركیا بەرەڤ هەرێما كوردستانێ هاتی یە و ب مەبەست بوو وان فیشەكان ب شێوەیەكێ ڤەشارتی بگەهینیتە باژێرێ بەغدا ل عراقێ، لێ نەشیایە بگەهیتە ئامانجا خۆ و ژ لایێ كارمەندێن هوبا لێگەریانێ ل ئیبراهیم خەلیل هاتینە دەستەسەر كرن.
نه‌جمه‌ددین نێروه‌یی، به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل ئاشه‌كرا كر ژی كۆ دێ شوڤێرێ ترۆمبێلێ ژی ل دیڤ رێنمایێن گومركی هێتە سزا دان.
