لە كەمپی عەربەت 2 پەنابەری رۆژئاوا گیانیان لەدەستدا

 

عەربەت - تایبەت بە KDP.info/ شەوی رابردوو ئاگر لە خێوەتێكی كەمپی پەنابەرانی رۆژئاوا لە عەربەت سەر بە پارێزگای سلێمانی كەوتەوە و بەو هۆیەوە 2 كەس گیانیان لەدەستدا و یەكێكی دیكەش بریندار بوو.

سەرچاوەیەك بە (kdp.info)ی راگەیاند كە درەنگانی شەوی رابردوو بەهۆی سوپاوە ئاگر لە خێوەتی یەكێك لە پەنابەرانی رۆژئاوا لە كەمپی عەربەت كەوتەوە و لە ئەنجامدا 2 كەس گیانیان لەدەستدا و یەكێكی دیكەش برینداربوو كە خەڵكی شاری عفرینن.

لایەنە پەیوەندیدارەكانی هەرێمی كوردستان خەریكی دروستكردنی كەمپێكی نوێن بۆ پەنابەرانی رۆژئاوا لە شارۆچكەی عەربەت.