دابەشکردنی مووچەی ھێزەکانی زێرەڤانی دەستیپێکردووە
ھەولێر-تایبەت بەKDP.info/ دوای ئەوەی دەنگۆی ئەوە بڵاوبووە، کە لە دوو رۆژی داھاتوو دابەشکردنی موچەی ھێزەکانی زێرەڤانی دەستپێدەکات،لەبەرامبەردا فەرماندەی ھێزەکانی زێرەڤانی گوتی:ماوەی دوو رۆژە مووچەی ھێزەکانی زێرەڤانی دەستی پێکردووە.
عەزیز وەیسی فەرماندەی ھێزەکانی زێرەڤانی بەKDP.infoراگەیاند: ئەو ھەواڵانەی باس لەوە ده‌کەن تاوەکو ئێستا مووچەی ھێزەکانی زێرەڤانی دابەشنەکراوە دوورە لەراستی وماوەی دوو رۆژە مووچەیان بەسەر دابەش دەکرێ.
عەزیز وەیسی گوتیشی: دابەشکردنی مووچە بەسەر ھێزەکانیان بەردەوام دەبێت تاوەکو ھەموو ھێزەکانیان مووچە وەردەگرن.
ئەمەش لەکاتێکدایە، چەند سەرچاوەیەکی ھەواڵ بڵاویانکردۆتەوە، کە تاوەکو ئێستامووچەی ھێزەکانی زێرەڤانی دابەشنەکراوە و بڕیارە لە دوو رۆژی داھاتوو مووچەکەیان دابەشبکرێت.
