پەیامی دەزگای رۆشنبیری و راگەیاندنی پارتی بە بۆنەی پانزدە ساڵەی دامەزراندنی کورستان تیڤی

بەر لە پانزدە ساڵ کوردستان تیڤی وەکو دەسکەوت و هەنگاوێکی بوێرانە و نوێ لە نێو راگەیاندنی کوردستان دەستی پێکرد، بۆیەکەمینجار لە سەر خاکی کوردستاندا، کەنالێکی ئاسمانی دامەزرا و بووە یەکەمین مینبەر بۆ گەیاندنی دەنگ و خواست و واقیعی کوردستان بە شێوەیەکی راستەوخۆ بەهەموو دونیا. ئەمە هەر تەنیا دەستکەوتێکی گەورەو مێژووی راگەیاندنی پارتی دیموکراتی کوردستان نەبوو، بەڵکو شۆڕش و دەستکەوتێکی گرانبەهای گشت راگەیاندنی کوردستانیش بوو. چونکە ئەمە ئەزموونی یەکەم بوو، لە کوردستانی ئازاد و بە توانا و لێهاتوویی و  کادری کوردیی و رۆژنامەنووسی کوردستانی هەواڵ و  دەنگوباسی کوردستان بگەیەنرێتە سەرتاسەری دونیا. لەهەمان گاڤیشدا کوردستان تیڤی گۆڕانکاری چارەنووسازی بەسەر بوار و رەوشی راگەیاندن داهێنا و لە راگەیاندنی لۆکالی و ناوچەیی، گوستییەوە بۆ دەستپێکردنی  راگەیاندنی جیهانی.

لەیادی بەرز و پڕشنگداری پانزدە ساڵەی دامەرزاندنی کوردستان تیڤی، پیرۆزبایی گەرم و رێز پێشکەشی بەرێوەبەر و سەرجەم کارمەند و کادرە ماندوو نەناسەکانی دەکەین، لەم یادەدا جەخت لەسەر کاری پیشەیی و  رێزگرتن لە ئازادی بەرانبەر  و پەرەپێدانی بنەماکانی مافی مرۆڤ و  ژینگە پارێزی و  دیموکراسی لە کوردستان دەکەینەوە، وەکو هەمیشەش جێگەی رێزە کە ئەم کەنالە پیشەیی و واقیعانە و دووربینانە مامەلەی لە گەڵ رووداوەکانی کوردستان و پێشهاتەکان کردووە. لەهەمان کاتیشدا بەردەوام کاری کردووە، هەر بەتەنیا دەنگی پارتی دیموکراتی کوردستانی پێشەنگ و خاوەنی شۆڕش و بەرخوەدان و بەرێوەبردنی حکوومدری لە ئێستەی هەرێمی نەبێت، بەڵکو مینەر و داکۆکی کەریش بووە لە مافە رەواکانی گەلی کورد لەهەموو پارچەکانی کوردستان و  سەرجەم پێکهاتە جیاکان بووە، هەمیشەش وەکو دەزگایەکی گرینگیش کاری کردووە بایەخ بە هوشیاری نیشتیمانی و  پەرەپێدانی گیانی کوردایەتی و مەسەلە چارەنووسازەکان بدات. ئەمەش وایکردووە کە کورستان تیڤی متمانەی گوێگر  و خەڵک بێت و بەیەکێک لە کەنالە راستگۆ و جێ بڕوایەکانی کوردستان دابنرێت. بۆیە ئەم کەنالە نەیوستووە بە روکەشانە و وەکو دیاردەی کاتی مامەلە لەگەڵ رووداوەکان بکات، بۆیەشە ئارامی و  سەقامگیری بەکارەکانییەوە دیارە.

لەم یادەدا پێویستە بیر لە کاری سەردەمیانەی پتر و گونجان لەگەڵ پێشکەوتنی تەکنیکی و  هونەری و رۆژنامەنووسی بکرێتەوە، هەروەها ئەم مینبەرە نیشتیمانییە، بەردەوام لە نوێ بوونەوە و گەشەکردن بێت، تاکو باشتر خزمەتی قۆناغەکانی داهاتوو بکات.

جارێکی دیکەش پیرۆزبایی گەرمتان لێدەکەین و ئومێدەوارین، لە هەنگاوەکانی داهاتوودا، پێگە و متمانە و کاری پیشەیانەی کوردستان تیڤی هەر بەرز و جێگەی بایەخی بینەر و جەماوەری کوردستان بێت. کوردستان تیڤی ئەو مینبەرە گەرم و  پڕ بڕشتە بێت کە بینەر و خەڵکی کوردستان چاوەڕوانی لێدەکەن. ماڵی کوردستانیان بە دەنگ و رەنگی ئەم کەنالە کوردستانییە هەمیشە روناک و پڕ ئومێد و بڕوابەخۆبوون بێت.

جاریکی دیکەش پیرۆزە و هەر سەرکەوتوو بن

 

دەزگای رۆشنبیری و راگەیاندنی

 پارتی دیموکراتی کوردستان

16-1-2014