سەرۆكی هەرێمی كوردستان رۆژی لە دایكبوونی پێغەمبەری مەزنمان پیرۆز دەكات

بسم الله الرحمن الرحیم
(لقد كان لكم فی رسول الله اسوة حسنة لمن كان یرجو الله و الیوم الآخر) صدق اللە العظیم

به‌ بۆنه‌ی رۆژی له‌ دایكبوونی فه‌خری كائینات پێغه‌مبه‌ری مه‌زنمان محه‌مه‌د ئەلمستەفا (دروود و سڵاوی خوای له‌سه‌ر بێت) گەرمترین پیرۆزبایی له‌ تەواوی موسڵمانانی كوردستان و عێراق جیهان ده‌كه‌م.

پەیامی ئایینی پیرۆزی ئیسلام کە پێغەمبەری مەزنمان پێشکەشی مرۆڤایەتی کرد، پەیامی پێكه‌وەژیان و لێبوردەیی و مرۆڤدۆستی و خۆشەویستی و یەكسانیی گەلان و دادپەروەرییە. لە خوای گەورە داواکارم هاندەری هەموولایەک بێت بۆ گەڕانەوە بەرەو واتا روحییه‌ به‌رزه‌كانی ئایینی پیرۆزی ئیسلام و بونیاتنانی كۆمەڵگەیەك لەسەر بنەمای یەكسانی و پێكەوەژیان و وەلانانی توندوتیژی.

هیوادارم ئەو رۆژە پیرۆزە بۆ خەڵكی كوردستان بە خێر و خۆشی و ئارامی و ئاوەدانیی زیاتر بگەڕێتەوە .
والسلام علیكم و رحمة اللە وبركاته

مسعود بارزانی
سەرۆكی هەرێمی كوردستان
11ی رەبیعولئەوەل 1435ی كۆچی
12ی کانوونی دووەمی 2014 ـی زایینی