سەرچاوەیەک لە باڵیۆزخانەی ئەمەریكا لەبەغدا بە KDP.infoراگەیاند: پرۆگرامی خوێندكارانی سەركردەی بۆ ساڵی 2014 رادەگەیەنێت
هەولێر- تایبەت بە KDP.info/ بەپێی راگەیاندراوێکی باڵوێزخانەی ئەمەریکا لە عێراق ، نووسینگەی وتەبێژ کە دانەیکی نێرداروە بۆ ماڵپەڕی فەرمی KDP.info ئەمڕۆ پێنجشمەممە ٩-١-٢٠١٤ رایانگەیاند کە باڵیۆزخانەی ویڵایەتە یەكگرتووەكانی ئەمەریكا لە بەغداد خۆشحاڵە رایبگەیەنێت كەوا ئێستە پێشكەشكردن بۆ پرۆگرامی قوتابیانی سەركردە بۆ ساڵی 2014 وەردەگیرێت. بۆ پشتیوانیكردنی ئامانجەكانی رێككەوتننامەی چوارچێوەی ستراتیژی نێوان ئەمەریكا و عێراق، ئەم پرۆگرامە دەرفەت دەداتە قوتابیانی زانکۆی عێراق، گەشتی 6 هەفتەیی بۆ ئەمەریكا ئەنجام بدەن لە هاوینی 2014 بۆ گەشەپێدانی بەهرەی سەركردەییان و فراوانكردنی تێگەیشتنیان بۆ پرۆسەی دیموكراسی.
هەمان سەرچاوە ئاشکرای کرد کە پرۆسەی پێشكەشكردن لەسەربنەمای كێبەركێیە و كراوەیە بۆ قوتابیانی زانکۆ لە عێراق لە تەمەنی نێوان 18 بۆ 24 ساڵی.
پێشكەشكار دەبێت ئاستێكی باشی لە زمانی ئینگلیزی و لە دەستكەوتی ئەكادیمیا هەبێت و پابەندیەكی قوڵی هەبێت بۆ تێكەڵاوی مەدەنی لە كۆمەڵگاكەیدا.
خوێندكارە عێراقییە هەڵبژێردراوەكان پەیوەندی بە هاوتا ئەمەریكییەكانیان و خوێندكارانی تر لە وڵاتانی تری رۆژهەڵاتی ناوەراست و باكوری ئەفریقاوە دەكەن، لە یەكێك لەو شەش دامەزراوە ئەكادیمییەی ئەمەریكا بۆ ئاڵوگۆڕ، كەوا پێكهاتووە لە رشتەی ئەكادیمی و گەشتی زانستی بەنێو هەرێمە جیاوازەكانی ئەمەریكادا لەماوەی نێوان 25 ی حوزەیران تاوەكو 7ی ئاب.
بۆ فۆرمی پێشكەشكردن و زانیاری لەسەر مەرجەكانی پێشكەشكردن تكایە سەردانی ئەم ماڵپەرە بكەن.http://iraq.usembassy.gov/student-leaders-program2.html.
ئارەزومەندان دەبێت فۆڕمێك پڕبكەنەوە و لە گەڵ كۆپیەكی لاپەڕەی وێنەی پاسەپۆرت بینێرن بۆ باڵیۆزخانەی ئەمەریكا لە بەغدا لە رێی
دواكات بۆ پێشكەشكردن نیوەشەوی 25كانونی دووەمی 2014 یە
بۆ زانیاری زیاتر پەیوەندی بە نووسینگەی راگەیاندنی كونسوڵخانەی گشتی ئەمەریكاوە بكەن لە ڕێی 07704431653
