د سالا 2013ێ دا 537 كیلویێن ده‌رمانێن نه قانونى ل گومركا ئیبراهیم خه‌لیل هاتینه ده‌سته‌سه‌ركرن
زاخو-KDP.info/ ل سالا 2013دال خالاسنورى یا ئیبراهیم خه‌لیل یا ده‌وله‌تى( 537) كیلویێن ده‌رمانێن كو لبه‌ر بوو ب رێیێن نه‌قانونى بهێنه دناڤ هه‌رێمێ دا ژلایێ هوبا دویفچوونا گشتى و هوبا لێگه‌ریانێ هاتینه ده‌سته‌سه‌ركرن.
نه‌جمه‌دین نێروه‌ى به‌رپرسێ راگه‌هاندنا خالاسنورى یا ئیبراهیم خه‌لیل یا ده‌وله‌تى بوkdp.info دیاركر، د سالا بورى دا هوبا دویفچوونا گشتى و هوبا لێگه‌ریانێ ل كومه‌لگه‌هێ پێنج سه‌د و سیه و حه‌فت كیلویێن ده‌رمانان كو هنده‌ك شوفێران لبه‌ر بوو ب رێكێن قاچاخ و نه قانونى بینه دناڤ هه‌رێما كوردستانێ دا ده‌سته‌سه‌ركرینه ژ وانا ژى هوبا دویفچونا گشتى چارسه‌د و بیست كیلو و هوبا لێگه‌ریانێ ژى سه‌د و هه‌ڤده كیلو ده‌سته‌سه‌ركرینه كو ئه‌ڤ ده‌رمانه د جورا و جور بوون و هنده‌ك ژ وان دبێ كێشه و دروست بوون لێ ژبه‌ركو ب قاچاخى هاتبون رێك بو نه‌هاتیه دان.
نه‌جمه‌دین نێروه‌ى گوت ژى:ئه‌ڤ ده‌رمانه د چه‌ندین ترومبێلێن بارهه‌لگرێن توركى دا هاتینه گرتن و سه‌باره‌ت سزادانا وان كه‌سێن ب كریارا قاچاغ ئینانا ده‌رمانان رابووین، نه‌جمه‌ددین نێروه‌یی گۆت: هه‌موو ئه‌و كه‌س ل دیڤ یاسایێن گومركی هاتینه سزا دان و ده‌رمان ژی هاتینه ژناڤبرن.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل ئه‌و ژی دیار كر : كۆ ئه‌ڤ ده‌رمانه د جوراو جور بوون و هنده‌ك ژ وانا وه‌كۆ مێژۆ د دروست بوون، لێ چونكۆ ب شێوێ قاچاغ ب ژڤان بوون بیننه دناڤ هه‌رێما كوردستانێ دا، رێك بۆ نه‌هاتیه دان و هاتینه ده‌سته‌سه‌ر كرن.
