خوله‌كا راهێنانێ بو ئه‌ندامێن په‌رله‌مانێ كوردستانێ یێن پارێزگه‌ها دهوكێ هاته ڤه‌كرن
دهوك-KDP.info/ سه‌روكێ سكولا یاسال پارێزگه‌ها دهوكێ دیاركر، كو بو زێده‌تر هه‌ول دان به‌ره‌ڤ پێشبرنا ئاستێ په‌رله‌مانتارێن هه‌رێما كوردستانێ دپه‌رله‌مانێ كوردستانێ دا، زانكویا دهوك ب هه‌ڤكاری دگه‌ل سكولا یاسا رابون ب ئه‌نجام دانا خوله‌كا راهێنانێ بو ئه‌ندامێن په‌رله‌مانێ كوردستانێ بو ده‌مێ دوو روژان.
سه‌روكێ سكولا یاساد.قاسم محه‌مه‌د قاسم دیاركر،دڤێ خولێ دا كورتیه‌ك لسه‌ر مێژوویا په‌رله‌مانی و سه‌نته‌رێ یاسایێ ئه‌ندام په‌رله‌مانی، ژلایێ ئه‌رك و مافێن وی و به‌رپرسیاریا دستویێ وی دا و حسانا وی تا ج راده‌یه، دگه‌ل هژماره‌كا بابه‌تێن دی ژلایێ كه‌سانێن پروفیسور و بسپور دبوارێ په‌رله‌مانێ كوردستانێ دا هاتنه به‌حسكرن.
گوت ژی" دڤێ خولێ دا رولێ ئه‌ندامێ په‌رله‌مانی و په‌یوه‌ندیێن ئه‌ندام په‌رله‌مانی دگه‌ل ده‌زگه‌هێن راگه‌هاندنێ و دیڤ چونا دارایی لسه‌ر چاوه‌نیا بكارئینانا داهاتیێ هه‌رێمێ هاتنه‌شلوڤه‌كرن.
سه‌روكێ سكولا یاسا ئه‌و چه‌نده‌ژی دیاركر، كو ئه‌ڤ خوله دێ بو ده‌مێ دوو روژان یا به‌رده‌وام بیت و روژا ئێكێ دێ پێنچ وانه بو ئه‌ندام په‌رله‌مانا هێنه پێشكێشكرن، و رۆژا دوویێ ژی دێ سێ وانه هه‌بن و هه‌می ژی ژلایێ كه‌سانێن بسپورڤه دهێنه پێشكێشكرن.
