كۆڤاراPittsburgh Post-Gazette: كورد دبنخوەدی دەولەتەكە سەربخوە و دڤێ واشینتن ژی پشتگیریێ لێ بكە
ئەمەریكا- KDP.info/چاپەمەنیێن جیهانی ب ئاوایەكی گرنگ بەحسا پێشكەتنا هەرێما كوردستانێ یا د سالێن دەرباسبوویی دە دكن. كۆڤارا Pittsburgh Post-Gazetteیا ئە‌مەریكی د وەشانا خوە یا داڤی دە مژارەك بەلاودكە كو، دەولەتا كوردی دێ بێ دامەزراندن و دڤێ واشینتن ژی پشتگیریێ لێ بكە. ل گۆر رۆژەڤا كورد، كۆڤارا Pittsburgh Post-Gazetteیا ئەمەریكا راپۆرەك د دەربارێ كوردستانێ دە بەلاڤ كریە و بالكێشاندیە ل سەر وێ یەكێ كو، گوهەرتنێن ل رۆژهلاتا ناڤین چێدبە ژ بۆ بەرژەوەندیا گەلێ كورد دێ ب داوی دبە. هەر وها د كۆڤارا Pittsburgh Post-Gazetteدە هاتیە، ل ڤان دەمێن دەرباسبوویی دە چەندین گوهەرتن ل هەرێم و رۆژهلاتا ناڤین پێكهاتنە و هەموو پێشهات ژی وێ یەكێ نیشان ددن كو، گەلێ كورد نێزیكی ب دەستخستنا ئارمانجێن خوە یە و مژولن كو ببە خوەدی دەولەتەكە سەربخوە.
د بەشەكی دن یا راپۆرێ دە هاتیە، ل پشتی شەرێ یەكەم یا جیهانی، ئاخا كوردان ل سەر عێراق، ئیران، سوریە و تركیێ هاتیە دابەش كرن و حكوومەتێن ڤان وەلاتان ژی چەندین سالە ب ئاوایەكە توند ئەو گەل ئاسیمیلە كرنە و ب هەموو كارێن خوە ڤە رێ نادن كورد ب مافێن خوە شاد ببن. لێ ئەو گوهەرتنێن كو ل ڤان سالێن داوی ل رۆژهلاتا ناڤین پێكهاتینە و هەروەها پێكتێن، د بەرژەوەندیا گەلێ كورد دە یە.
هەروەها كۆڤارا Pittsburgh Post-Gazetteل داڤیا مژارا خوە دە نڤیساندیە كو، گوهەرتنێن خوەزایی یێن دەمێن پێش یا ل رۆژهلاتا ناڤین، ژ بۆ دامەزراندنا دەولەتا سەربخوە یا كوردی دبە و گەلەك پێویستە بەرپرسێن ئەمەریكا ژی ل ڤێ راستیێ فێم بكن و ب تو ئاوایەكی ژی دژایەتیا دامەزراندنا ڤێ دەولەتا نوو نەكن.
