دیڤچوونا پرۆسا هاتنا كەرەستێن خوارنێ و رێڤەچوونا كاری ل سنوری ئیبراهیم خەلیل دهێتە كرن
زاخو- تایبه‌ت ب KDP.info/ شاندەكێ ب مەبەستێ دیڤچوونا پرۆسا هاتنا كەرەستێن خوارنێ و پرۆسا ب رێڤەچوونا كاری، ل دەرگەهێ سنوری یێ ئیبراهیم خەلیل بۆ ناڤ هەرێما كوردستانێ، سەرەدانا كومەلگەها دەروازێ نیڤدەولەتی ئیبراهیم خەلیل كر.
ئەڤ شاندە كۆ یێ پێكهاتی بوو ژ نوینەرێ ئەنجومەنی وەزیران و نوینەرێن وەزارەتا پلان دانان و دلنیایێ جوری و نوینەرێن چەند وەزارەتێن دی، ل نێزیك هایداری سیستەمێ ب رێڤەچوونا كاری و ئەنجامدانا پشكنینان ل وان پشكێن ل كومەلگەهێ بوون.
پشتی لێگەریان ل ناڤ پشكێن كومەلگەهێ، باس لسەر رێكخستنا كاری و سوود وەرگرتن ل كادرێن شارەزا ل كومەلگەهێ و مفا وەرگرتن ژ شارەزاییا وان، هەروەسا سوود وەرگرتن ژ سیستەمێ كاری ل كومەلگەهێ بۆ جهێن دیتر.
د ئەنجامێ سەرەدانا شاندی، خۆشحالیا خۆ ب رێك و پێكی و جوانیا رێڤەچوونا سیستەمێ كاری ل كومەلگەهێ دەربری و هیڤی خواستن كۆ جهێن دی ژی ب ڤی ئاوایی ب رێك و پێك بكەڤن و بشێن بێ پەیداكرنا ئاستەنگان، پتر خزمەتا خەلكەكێ بهێتە كرن.
