ل ده‌روازێ ئیبراهیم خه‌لیل شوفێرێ 55 كیلۆیێن ده‌رمانێن ب قا‌چا‌خ ئیناین هاته ده‌سته‌سه‌ركرن
زاخو-KDP.info/ ژبه‌ر ئینانا كۆمه‌كا ده‌رمانا ب قاچاخی شوفێره‌كێ تورك ژئالیێ كارمه‌ندێن پشكا دوڤچوونا كۆمه‌لگه‌ها ده‌روازێ یا نێڤده‌وله‌تی ل ئیبراهیم خه‌لیل هاته ده‌سته‌سه‌ركرن.
نه‌جمه‌ددین نێروه‌یی به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی (ئیبراهیم خه‌لیل)دیاركر، كۆ شوڤێره‌كێ ترۆمبێله‌كا توركی یا بارهه‌لگر هه‌ول دابوو ب رێكێن نه‌یاسایی، 55 كیلویێن ده‌رمانێن جوراوجور بینیته دناڤ هه‌رێما كوردستانێ دا، لێ خۆشبه‌ختانه ئه‌و ده‌رمان ژ لایێ كارمه‌ندێن پشكا دیڤچوونا گشتی ڤه دهێنه ده‌سته‌سه‌ركرن، و رێك بۆ ناهێته دان ب ڤی ئاوایی و بێ پشكنین بهێنه دناڤ هه‌رێما كوردستانێ دا.
نافبری ئه‌وژی دیار كر، كۆ هه‌ر جوره ده‌رمانه‌كێ دهێته دناڤ هه‌رێما كوردستانێ دا، دڤێت موله‌تا وه‌زاره‌تا ساخله‌میێ هه‌بیت و لسه‌ر وێ چه‌ندێ ژی، ئه‌و ده‌رمان دێ ل خالا سنوری یا ئیبراهیم خه‌لیل هێنه پشكنین كرن و هه‌كه ل دیڤ یاسایێن ساخله‌میێ و گومركی بن و د پشكنیناندا بسه‌ركه‌ڤتن، ژنوو دێ رێك بۆ دهێته دان بهێنه دناڤ هه‌رێما كوردستانێ.
به‌رپرسێ راگه‌هاندنا كومه‌لگه‌ها ده‌روازێ نیڤده‌وله‌تی ئیبراهیم خه‌لیل ئه‌وژی دیار كر كۆ ئه‌و شوڤێرێ ئه‌ڤ كاره ئه‌نجام دایی، دێ ل دووڤ رێنمایێن گومركی هێته سزادان.
