سووریا:ئه‌سه‌د ده‌یه‌وێت ده‌وڵه‌تێکی عه‌له‌وی رابگه‌یه‌نێت
گۆری گۆتنا چه‌ند چاڤدێران عه‌له‌ویێن سوریا بزاڤێن خوه خورت كرینه ژ بۆی پشتی ژ ناڤ چونا رژێما به‌شار ئه‌سه‌د ده‌وله‌ته‌كا عه‌له‌وی ل كه‌نارێن ده‌ریا سپی و ده‌ردۆرێ باژێرێ لازقیه رابگه‌هینن
سه‌رباری تێپه‌ربونا شازده مه‌هان ب سه‌ر قه‌یرانا سوریادا سه‌رباری كو چ رێ چاره نه‌هاتینه ڤه‌دیتن لێ قه‌یرانه رۆژ ب رۆژێ مه‌زنتر دبه . عبدول حلیم ئالیكارێ به‌رێ یێ حافز ئه‌سه‌د كو چه‌ند سال به‌ری نها ل سوریا ره‌ڤی و خوه گه‌هانده فه‌ره‌نسا ب رۆژناما ئێل پاریس راگه‌هاندیه
نها عه‌له‌ویێن سوریا مژیلی به‌رهه‌ڤ كرنا خوه‌نه بۆ راگه‌هاندنا ده‌وله‌تا خوه . ژ به‌ر وێ چه‌ندێ پرانیا چه‌ك و موشه‌ك و چه‌كێن گران به‌ره‌ڤ وان ده‌ڤه‌ران هاتینه هنارتن
شرۆڤه‌كاره‌كێ گۆڤارا بۆستن كۆلێج ب ناڤێ فرانك سالامێ راگه‌هاندیه پرانیا وان كۆمه‌ل كوژیێن دهێنه ئه‌نجام دان بۆ دیاری كرنا سینورێ عه‌له‌ویانه.هه‌روه‌سا نه‌یارێن به‌شار ئه‌سه‌د راگه‌هاندن كو ئه‌سه‌د دیمه‌شق ب جه هێشتیه‌و به‌ره‌ڤ ده‌ڤه‌رێن عه‌له‌وی ره‌ڤیایه و پرانیا عه‌له‌ویان ژی مژیلی كۆچكرنێ نه بۆ وان ده‌ڤه‌ران