19 كرێكارا لدهوكى گیانێ خوه ژ ده‌ست دایه
دهوك –KDP.info/ دئه‌ڤ ساله دا لسنورێ پارێزگه‌ها دهوك(19) كرێكارا لسه‌ر كاری گیانێ خوه ژ ده‌ست دایه و30 ژی برینداربووینه و167 ئاریشه‌یێن كرێكاران ل دادگه‌هێ هاتینه چاره‌سه‌ركرن.
عیسا نسری سه‌رۆكێ ئێكه‌تیا سه‌ندیكا كرێكارێن كوردستانێ تایێ دهۆك دكونگره‌كێ روژنامه‌ڤانی دا گوتى: دئه‌ڤساله‌دا 21 هزارو 307 كرێكار بووینه ئه‌ندامێن سه‌ندیكا كرێكاران، ژبه‌ركو ئه‌ندامه‌تییا مه جودا ژ ئه‌ندامه‌تیا پارتێن سیاسی و رێكخراوان سالانه هه‌ر كه‌سه‌كێ كرێكار دڤێت ئابوونا خوه بده‌ته سه‌ندیكایێ و ناسنامه‌یا خوه نوو بكه‌تو15 هزار و 902 ناسنامه هاتینه جێكرێن.
نافبرى دییاركر ژی كو ل پارێزگه‌ها دهۆكێ 2 هزارو 996 پرۆژه هاتینه دابینكرن. دیسان 4 هزارو 923 كرێكار ل هه‌رێما كوردستانێ و ئیراقێ هه‌نه و ئه‌ڤ ساله ژی 1700 كرێكار هاتینه دابینكرن، و 985 كرێكارێن بیانی ژی ل پارێزگه‌هێ هاتینه دابینكرن.هه‌روه‌سا 815 كرێكارێن ژن ملبملێ زه‌لامی ل پارێزگه‌ها دهۆكێ كاردكه‌ن.
ئه‌وچه‌نده‌ژی ئاشكه‌راكر كو، دئه‌ڤ ساله دا لسنورێ پارێزگه‌ها دهوك 19 كرێكارا لسه‌ر كاری گیانێ خوه ژ ده‌ست داینه و 30ژی برینداربووینه، و 167 ئاریشه‌یێن وان ل دادگه‌هێ هاتینه چاره‌سه‌ركرن.
دلایه‌كێ دیی ڤی كونگرێ روژنامه‌ڤانی دا (عیسا نسری) راگه‌هاند" بو سالا 2014 مه دڤێتن ئه‌م پتر به‌رگریێ ژمافێن كرێكارا بكه‌ین و مه داخازكریه كو لژنه‌كا تایبه‌ت بهێته دانان و دیفچونا جهێن كاری بكه‌ت داكو مافێن كرێكارا دپاراستی بن.
