یه‌كه‌مین كۆنگره‌ی عه‌ره‌بی بۆ سه‌رخستنی دۆزی كورد به ئاماده‌بوونی سه‌رۆك بارزانی ده‌ستی به كاره‌كانى كرد
ل باژێرێ هه‌ولێرێ ب ئاماده‌بوونا به‌رێز مه‌سعوود بارزانى سه‌رۆكێ هه‌رێما كوردستانێ و سه‌رۆكێ پارله‌مێتا كوردستانێ و هن به‌رپرسیارێن سیاسى و ئیدارى و كۆنسل و هه‌ژماره‌كه به‌رچاڤا روشنبیر و كه‌ساتی یێن عه‌ره‌بى، یه‌كه‌مین گۆنگره‌یا عه‌ره‌بی ژبۆ سه‌ر خستنا دۆزا كورد، ده‌ست بكارێن خوه كر، د رێوره‌سما كۆنگره‌ێ ده دكتۆر كازم حه‌بیب سه‌كره‌ته‌رێ كومه‌له‌یا كۆنگره‌یا عه‌ره‌بی ژبۆ سه‌رخستنا دۆزا كورد بالكشانده سه‌ر گرینگى یا ڤێ كۆنگرێ و دۆزا ره‌وا گه‌لێ كورد، پشتره برێز مه‌سعوود بارزانى سه‌رۆكێ هه‌رێما كوردستانێ د په‌یڤه‌كێ ده بالكشانده سه‌ر وێ یه‌كێ كو هن جاران دیرۆك خوه دوباره دكه و بالكشانده سه‌ر وێ یه‌كێ كو ل سالا هه‌زار و نه‌هسه‌د و شێست و شه‌شێ رژێما به‌عس ئێرشه‌كه هه‌رى هوڤانه ل دژى كوردستانێ پێكانى كو تیچده به‌ربروویێ شكه‌ستنێ هات و گه‌لێ كوردستان و ئێراقێ ژى ب سه‌ركه‌تن، د به‌شه‌كه دى یا په‌یڤا خوه ده سه‌رۆك بارزانى دیاركر كو تا نها ژى ل دۆڤ ره‌فاتێن سه‌د و هه‌شتێ و دو هه‌زار وه‌لاتى یێن كوردستانێ دگه‌رین كو ژبال هێزێن رژێما به‌عسا رۆخیایى ڤه ل سالا هه‌زار و نه‌هسه‌د و هه‌شتێ و هه‌فتێ ب زندى هاتنه بن ئاخكرن، پشتى رۆخاندنا رژێما به‌عسا دكتاتورى مه هه‌موویان هه‌ولدان كو ئێراقه‌كه نوو یا فه‌ده‌رال و ده‌موكرات و فره‌ه ئالى دامه‌زرینن. هه‌ر د به‌رده‌واما په‌یڤا خوه ده سه‌رۆكێ كوردستانێ گۆت ئه‌م ژ وێ یه‌كێ دترسین كو ل ئێراقێ جاره‌كه دى كلتورا شه‌ر و ئێرشكرنا ب باله‌فران سه‌ربگره‌ڤه، ئه‌م دێ هه‌موو هه‌وله‌كێ بكاربینن كو كلتورا بهه‌ڤرا ژیانا ئاشتیانه یا هه‌موو نه‌ته‌وه و ئۆلان خورت بكین.
