سەرۆكی هەرێمی كوردستان بەدواداچوون، بۆ پرسی بەپارێزگابوونی هەڵەبجەی شەهید دەكات

ڕۆژی سێشەممە ‏‏24/12/2013 بەڕێز مسعود بارزانی سەرۆكی هەرێمی كوردستان لە نامەیەكی فەرمیدا بۆ سەرۆكایەتیی ئەنجوومەنی وەزیرانی حكوومەتی هەرێمی كوردستان داوا دەكات لە وردەكاریی ئەو رێوشوێن و‏هەنگاوانە ئاگادار بكرێتەوە كە حكوومەتی هەرێمی كوردستان و حكوومەتی عێراقی فێدراڵ بەمەبەستی بە پارێزگاكردنی ‏هەڵەبجەی شەهید گرتوویانەتەبەر.

لەو نامەیەدا سەرۆك بارزانی بایەخدانی زیاتر بە هەڵەبجەی شەهید و بەپارێزگابوونی دووپات كردووەتەوە و جەختیشی لەسەر دابینكردنی خزمەتگوزاری و كەمكردنەوەی ‏كێشەكانی خەڵكی شەهیدپەروەری هەڵەبجە و دەورووبەری كردووە.