زیندانیەكی ل بنگەهی پولیسێن ناحیا سەرسنكی خوە خەندقاند

ئامیدیێ –KDP.info/ ئەڤرو ئێڤاری ل بنگەهێ پولیسێن ناحیا سەرسنكێ سەر ب قەزا ئامێدیێ ڤە زیندانیەكێ كو تەمەن سیهوئیك سالی خوە بریكا بەتەنیێ خوە خەندقاند .

دڤی دەربارێ دا موقەدم محمد عەبولرەزاق رێڤەبەرێ پولیسێن قەزا ئامێدیێ بو kdp.infoدیاركر دوهی ئیڤاری ل بنگەهێ پولیسێن ناحیا سەرسنكێ زیندانیەكێ كو ئاكنجیێ كومەلگەها قەدشێ یە سەر ب ناحیا سەرسنكێ بناڤێ (سفر فارس حبیب) تەمەن سیوئیك سال بوو ویێ گرتی بوو لدیڤ بریارا دادوەرێ ڤەكولینی بەندێ 433 كو دایكا وی دوسیەك لسەر ڤەكر بوو ژبەر ئاریشەكا جڤاكی خوە ل گرتیخانا بنگەهێن پولیسێن سەرسنكێ ڤە برێكا پارچەكا بەتەنی خوە خەندقاند .

رێڤەبەرێ پولیسێن قەزا ئامێدیێ دیاركر ژی دایكا وی ئەڤە بو جارا دووی بوو دوسیەك لسەر ڤەكر وباری دەرونیی وی نەیێ دروست بوو وپیشتر ژی ل گرتیگەها بنگەهێ پولیسێن كومەلگەها قەدشێ پێكولا خوە كوشتنێ كر بوو كو چەند چەقویەك بخوە دابوون لی هاتبوو چارەسەركرن .

ناڤبری ئاشكەرا ژی كر كو بریاربوو هەر ئەڤرو لدیڤ بریارا دادورەێ ڤەكولینی هاتبا رەوانەكرن بو لیژنا پزیشكی ژبوی دیاربوونا رێژا بارێ دەرونیا وی،وتەرمی وی هاتە ڤەگوهاستن بو نوژدریا داد لدهوكی ژبوی ئەگەری زانینا خوە كوشتنا وی ونها ڤەكولین یا بەردەوامە .