123 خێزانێن خیڤه‌تگه‌ها شێلادزێ گازا سپی بێ به‌رامبه‌ر وه‌رگرت
ئامیدیی- تایبه‌ت ب KDP.info/ دگه‌ل ده‌ستپێكرنا وه‌زرێ سه‌رمایێ و ب ئارمانجا هه‌ڤكاریكرنا ئاكنجیێن خیڤه‌تگه‌ها شێلادزێ و دابینكرنا گازا پێدڤی بۆ وان، رێكخراوا كوردس ب هاریكاریا رێكخراوا ( UNHCR)، گازا سپی ب سه‌ر123 خێزانێن خیڤه‌تگه‌ها ناڤهاتی دا به‌لاڤكر.
هه‌ر دڤی واری دا شه‌وكه‌ت تاها به‌رپرسێ رێكخراوا كوردس خویاكر، دابه‌شكرنا گازا سپی بسه‌ر 123 خێزانێن خیڤه‌تگه‌ها شێلادزێ دا، پێنگاڤا وان یا ئێكێیه و گۆت، سه‌ره‌رای دابه‌شكرنا گازا سپی بسه‌ر ئاكنجیێن ڤێ خیڤه‌تگه‌هێ دا.
دیسا رێكخراوا وان ب هاریكارییا رێكخراوا ( UNHCR) رابووینه ب دابینكرنا، نایلۆنێ ل سه‌ر خیڤه‌تان، دگه‌ل سۆپه‌یه‌كا گازێ، بۆ هه‌ر یه‌ك ژ خێزانێن دناڤا ڤێ خیڤه‌تگه‌هێ دا و ئاشكرا كر، گازا هاتییه به‌لاڤكرن ژی، یا پێكهاتی بوو ژ 220 لیترێن گازا سپی بۆ هه‌ر خێزانه‌كێ، كۆ گازا هان ب ئاوایه‌كێ بێ به‌رامبه‌ر ب سه‌ر وان دا هاته دابه‌شكرن و ته‌كه‌ز ژی كر، د به‌رنامه‌یێ وان دایه، ل ده‌مه‌كێ نێزیك جلكێن زڤستانێ ژی ب سه‌ر ڤان خێزاناندا بهێنه به‌لاڤكرن.
