موچه‌ك وه‌ك دیارى بو بریندارێن چه‌كێ كیمیاوى دێ هێته ته‌رخانكرن
دهوك- KDP.info/ به‌رده‌وامى دان ب بزاڤ و چالاكیێن رێڤه‌به‌ریا گشتى یا شه‌هیدان و ئه‌نفالكریان ل پارێزگه‌ها دهوكێ ژبو خزمه‌تكرنا كه‌س و كار و خێزانێن شه‌هیدان و ئه‌نفالكریان هه‌روه‌سا خزمه‌تكرنا بریندارێن چه‌كێ كیمیاوى و كومكوژیێن بسه‌رێ ملله‌تێ كورد هاتین (نسره‌ت محه‌مه‌د حه‌سه‌ن) رێڤه‌به‌رێ گشتى یێ شه‌هیدان و ئه‌نفالكریان ل پارێزگه‌ها دهوكێ د كومبونه‌كێ دا دگه‌ل هژماره‌كا بریندارێن چه‌كێ كیمیاوى لسنورێ پارێزگه‌ها دهوكێ دیاركر كو وان دگه‌ل وه‌زاره‌تا شه‌هیدان كاركریه ژبو دابینكرنا مووچه‌كێ هه‌یڤانه وه‌ك دیارى بو بریندارێن چه‌كێ كیمیاوى.
هه‌روه‌سا رازه‌مه‌ندى ژلایێ حكومه‌تا هه‌رێمێ ڤه هاتیه دان لسه‌ر خه‌رجكرنا موچێ ناڤبرى ب مه‌رجه‌كى كو پلا په‌ككه‌فتیا بریندارێ چه‌كێ كیمیاوى ژ 65% كێمتر نه‌بیت لدویڤ راپورتا نوشدارى.
هه‌روه‌سا نسره‌ت محه‌مه‌د حه‌سه‌ن رێڤه‌به‌رێ گشتى یێ شه‌هیدان دیاركر كو حه‌تا نوكه دوازده بریندارێن چه‌كێ كیمیاوى لدهوكێ مفاداربووینه ژ مووچێ ناڤبرى كو دێ هه‌یڤانه كوژمێ چوار سه‌د هزار دیناران وه‌ك دیارى بو وان هێنه ته‌رخانكرن.
