بالیوزا هوله‌ندا ل عیراقێ دیتنا ده‌لیڤێن وه‌به‌رهێنانێ دگه‌ل ژورا بازرگانى و پیشه‌سازیادهۆكێگه‌نگه‌شه‌كر
دهوك-KDP.info/ ب مه‌ره‌ما دانه‌نیاسینا سه‌كته‌رێن ژیانى ل وه‌لاتێ هوله‌ندا ب بازرگانێن دهۆكێ ئه‌ڤرۆ خاتووین (جانێت سیپن) بالیوزا هوله‌ندا ل عیراقا فیدرال و (یه‌رون كیلده‌ر هاوس) به‌رپرسێ نڤیسینگه‌ها په‌یوه‌ندیان ل هه‌وه‌لێرا پایته‌خت وئه‌ندامێن رێكخراوا كوردستان سه‌ره‌دانا ژوورا بازرگانى و پیشه‌سازى یا دهۆكێ كر و ژ ئالیێ سه‌رۆك و ئه‌ندامێن ژوورێ ڤه هاتن پێشوازیكرن.
د كونفرانسه‌كى دا كو كومه‌كا بازرگان و خودان كارێن پارێزگه‌ها دهۆكێ ئاماده‌ببون ئه‌یاد حه‌سه‌ن عه‌بدولحه‌لیم سه‌رۆكێ ژوورا بازرگانى و پیشه‌سازى یا دهۆكێ په‌یڤه‌ك پێشكێشكر و دیاركر كو بازارێن هه‌رێما كوردستانێ پێدڤى ب به‌رهه‌مێ ئه‌وروپا هه‌یه لێ دیتنا میكانزما هنارتنا ڤى به‌رهه‌مى زێده‌تر بۆ سه‌رمایه‌دارێن ئه‌وروپه دمینیت، ژبه‌ر كو دڤێت به‌رده‌وام بازرگانێن كورد مێڤانى پێشانگه‌هێن خوه یێن بازرگانى بكه‌ن و بهێنه كوردستانێ لقێن كومپانیێن خو ڤه‌كه‌ن و پشكداریێ د ته‌نده‌رێن حكومه‌تا كوردستانێ دا بكه‌ن، هێلێن ئا سمانى یێن بازرگانى دناڤبه‌را كوردستانێ و وه‌لاتێن خودا زێده‌كه‌ن،ببنه وه‌به‌رهێنه‌رێن راسته‌قینه د گشت سه‌كته‌رێن ئابوورى دا.
و پاشى خاتوین جانێت سیپن بالیوزا هوله‌ندا ل عیراقا فیدرال پێشانگه‌ها بناڤێ كار بو كارى ب دوكیومێنت و ئامار و وێنه پێشكێشكر. به‌رپرسێ فایلا هه‌رێما كوردستانێ ل بالیوزخانه‌یا هوله‌ندى گوت ئه‌م د به‌رهه‌ڤین وه‌به‌رهێنانا پیشه‌سازى بینین كوردستانێ بۆ دروستكرنا وان خوارنا د كارگه‌هێن كوردى ل دوماهیێ ژى ژوورا بازرگانى دوو لوگو وه‌كو دیارى پێشكێشى بالیوزا هوله‌ندى ل عیراقێ و نڤیسینگه‌ها په‌یوه‌ندیێن هوله‌ندى ل هه‌ولێرێ كرن.
