پارێزگه‌رێ دهوكێ و بالیوزا هوله‌ندا لعیراقێ خورتكرنا په‌یوه‌ندییان گه‌نگه‌شه‌كر

دهوك-KDP.info/  ئه‌ڤرو( ته‌مه‌ر ره‌مه‌زان)   پارێزگه‌رێ دهوكێ پێشوازیا جانێت سیپن بالیوزا وه‌لاتێ هوله‌ندا ل عیراقێ و شاندێ دگه‌ل كر.
د هه‌ڤدیتنه‌كێدا به‌حسێ ره‌وشا ده‌ڤه‌رێ و كار و پروژێن پارێزگه‌هێ و ئه‌و پێشكه‌فتنا ده‌ڤه‌رێ بخوڤه‌ دیتى ب گشتى, و خورتكرنا په‌یوه‌ندییان دناڤبه‌را هه‌رێما كوردستانێ و وه‌لاتێ هوله‌ندا و رولێ كومپانیێن هوله‌ندى د ئاڤاكرنا ده‌ڤه‌رێ دا هاته‌ كرن.
پارێزگه‌رێ دهوكێ داخواز كر كو سه‌رمایه‌دار و كومپانیێن هوله‌ندى پتر رولێ خو د ئاڤه‌دانكرنا پارێزگه‌ها دهوكێ دا ببینن د كار و بزاڤێن كومپانیێن هوله‌ندى تێدا كار دكه‌ن.
ژلایێ خوڤه‌ بالیوزا هوله‌ندا دیار كر كو كومپانیێن هوله‌ندى شاره‌زاى و شیان هه‌نه‌ د چه‌ندین بیاڤان دا كار بكه‌ن و ته‌ئكید ل سه‌ر وێ چه‌ندێ كر كو دێ هاندنا كومپانى و سه‌رمایه‌دارێن هولندى كه‌ت كو به‌ره‌ف ده‌ڤه‌رێ بهێن و كار و پروژان ئه‌نجام بده‌ن.