KDP.infoناوی ئەندامانی شاندی ئەنجومەنی نیشتیمانی کورد بۆ کۆنگرەی جنێف دوو بڵاو دەکاتەوە
رۆژ ئاوای کوردستان-تایبەت بە KDP.info/ ئەندامێکی ئەنجوومەنی نیشتیمانی کورد لەسوریا ئاشکرایکرد، ئەنجومەنی نیشتیمانی کورد لە سوریا کۆبووە و تێدا شاندێکی دیاریکرد بۆ بەشداریکردن لەکۆنگرەی جنێف دوو.
د.کاوە ئازیزی ئەندامی ئەنجوومەنی نیشتیمانی کورد لەسوریا بەkdp.infoراگەیاند: ئەمڕۆ ئەنجوومەنی نیشتیمانی کورد لەسوریا کۆبووە و تێدا شاندێکی پێنج کەسی پێکھێنا بۆ بەشداریکردن لەکۆنگرەی جنێف دوو کە بڕیارە لەکانوونی دووەمی ساڵی داھاتوو سازبکرێت.
د.کاوە ئازیزی گوتیشی: ئەندامەکانی ئەو شاندە بریتین لە حەمید دەروێش وعەبدولباست سەیدا و ئیبراھیم برۆ و مستەفا سلیۆ و کامیران حەجی عەبدۆ .
ئازیزی رونیشیکردەوە، حەمید دەروێش سەرۆکایەتی شاندەکە دەکات بۆ بەشداریکردن لەکۆنگرەی جنێف دوو.
ئەو ئەندامەی ئەنجوومەنی نیشتیمانی کورد راشیگەیاند: گفتوگۆ لە گەڵ پەیدە بەردەوامە، بەڵام تاوەکو ئێستا نەگیشتۆنەتە ھیچ رێکكەوتنێک و ئاماژەی بەوەشکرد، ھەر لایەنێک ئامادەی چارەسەرکردنی کێشەکان نەبێت دیارە کە پلانێکی لەبەردەست دایە دژی گەلی کورد.
