لە موسڵ 10ئەندامی یەک خیزان دەکوژرێن
موسڵ- تایبەت بەKDP.info/ ئەمڕۆ لە ناوەڕاستی پارێزگای موسڵ 10ئەندامی یەک خێزان لەلایەن چەند چەکدارێکی نەناسراو دەکوژرێن.
لەمبارەیەوە سەعید مەموزینی بەرپرسی راگەیاندنی لقی چواردەی پارتی دیموکراتی کوردستان لە پارێزگای موسڵ بەkdp.infoراگەیاند: بەیانی ئەمڕۆ لە ناوەراستی شاری موسڵ چەند چەکدارێکی نەناسراو ھەڵیان کوتاوەتە سەرماڵێک کە لە10کەس پێکھاتووە ھەموویان کوشتووە.
سەعید مەموزینی گوتیشی: ئەو خێزانە سونە مەزھەبن و لەدایک وباوک و ھەشت منداڵ پێکھاتووە. مەموزینی راشیگەیاند: تەرمەکان رەوانەی پزیشکی دادوەری کراون و تائێسته‌ش ھۆکاری کوشتنیان نەزانراوە، بەڵام ھێزەکانی پۆلیس لێکۆلینەوەیان لە رووداوەکە دەست پێکردووە.
ناوبراو ئاماژەی بەوەشکرد، رۆژانە خەڵکی بێ تاوان لە موسڵ دەکوژرێن، ئەمەش ئەوە رووندەکاتەوە کە ھێزە ئەمنییەکان لاوازن و توانای پاراستنی سەروماڵی ھاووڵاتیانیان نییە.
