پارێزگه‌ها دهوك ورێكخراوه‌كا سویدى رێكه‌فتنه‌كا تیكگه‌هشتنێ واژوركر
دهوك-KDP.info/ ل سه‌نته‌رێ ره‌وشه‌نبیرى یێ زانكویا دهوكێ رێكه‌فتنه‌كا تیكگه‌هشتنێ دناڤبه‌را نونه‌رێ كارگێریا پارێزگه‌ها دهوكێ به‌رێز( به‌هزاد على ئاده‌م ) جێگرێ پارێزگارى و(ئانا باكمان) رێڤه‌به‌رێ پروژێ سازیاSKLورێكخراوا SIDAیێن نیڤ ده‌وله‌تى یێن سویدى ونونه‌را جڤاتا پارێزگه‌هێ ورێڤه‌به‌رێ گشتى یێ چاڤدێریا جڤاكى دهوك هاته واژوكرن.
ل دور ناڤه‌روكا رێكه‌فتنێ جێگرێ پارێزگه‌رێ دهوكێ گوت : ئه‌ڤ پروتوكوله یان رێكه‌فتنه بو وێ یه‌كێ یه كو سازیاSKL یا سوێدى ورێكخراواSIDAهاریكاریا رێڤه‌به‌ریا چاڤدێریا جڤاكى وپشكێن وێ كه‌ن دوارێ پێشڤه‌برن وپێشئێخستنا شیانێن رێڤه‌به‌ر وكارمه‌ندێن رێڤه‌به‌ریێ وئه‌ندامێن دى یێن سه‌رب چاڤدێریێ ڤه ئه‌وژى ب رێكا سازكرنا مه‌شق وراهێنان وڤه‌كرنا وركشوپا بو ته‌خێن مه ئاماژه پێداین ، ئه‌ڤ وركشوپه ومه‌شق وراهینانه ژلایێ بسپور وشاره‌زایێن بیانى ونافخویى ب رێكێن زانستى و سه‌رده‌مانه یێن نوو دێ هێنه پێشكێشكرن.
هه‌روه‌سا گوت: دوو سالا دان وستاندن و كار ل سه‌ر ڤى به‌رنامه‌ى هاتیه كرن وئه‌ڤرو رێكه‌فتنا تێگه‌هشتنێ ل سه‌ر پروگرامى هاته موركرن وسازیاSKL ورێكخراواSIDAدێ هه‌موو خه‌رجیێن به‌رنامه‌ى ب ستوخوڤه گریت وكوژمێ نێزیكى (1)ملیون دولاران هاتینه ته‌رخانكرن وهه‌تا ئادارا سالا 2015ێ دێ به‌رده‌ومبیت.
به‌هزاد على ئاده‌م جێگرێ پارێزگه‌رێ دهوكێ ته‌كه‌ز كر كو ئه‌ڤرو ب ره‌نگه‌كێ پراكتیكى رێكه‌فتن كه‌ته دقوناغا بجهكرنێ دا وسازیاSKLورێكخراواSIDAیێن سوێدى سه‌ربور وشاره‌زایه‌كا باش دڤى دوارى دا هه‌یه ودێ شێت ب رێكا به‌رنامه‌ى هاریكاریه‌كا باش بو سازیێن چاڤدێریا جڤاكى ل دهوكێ پێشكێشكه‌ت... تێ زانین رێكخراوا هان 2پارێزگه‌ه ل سه‌رانسه‌رى ئیراقێ ده‌ست نیشانكرینه بو سازكرنا ڤى به‌رنامه‌ى ئه‌وژى پارێزگه‌ها دهوك ودیوانیه.
