ل دهۆكێ دوو نشته‌رگه‌ری بو جارا ئێكێ یه ل سه‌رانسه‌ری عێراقێ دهێنه ئه‌نجامدان
دهوك-KDP.info/ رێڤه‌به‌ریا گشتی یا ساخله‌میا پارێزگه‌ها دهوكێ ب هه‌ڤكاریا رێكخراوا هیڤی نازدار یا زارۆیان، شیان شانده‌كێ نوژدارێن ئیتالی بینن دهۆكێ و د پرێس كونفرانسه‌كی دا دیاركرن كو بۆ جارا ئێكێ یه ل سه‌ر ئاستێ عیراقێ دو نشته‌رگه‌ری ل دهۆكێ دهێنه كرن.
د. به‌ختیار ئه‌حمه‌د ره‌شید، رێڤه‌به‌رێ گشتیێ ساخله‌میا پارێزگه‌ها دهوكێ ب وه‌كاله‌ت دیاركر شاندێ نوژدارێن ئیتالی شیاینه 120 نشته‌رگه‌ریان ئه‌نجام بده‌ن كو پتریا وان د ده‌گمه‌ن بوون و گۆت: دو نشته‌رگه‌ری بو جارا ئێكێ یه ل سه‌رانسه‌ری عێراقێ دهێنه ئه‌نجامدان.
دیاركر ژی كو ئێك ژ پێنگاڤێن رێڤه‌به‌ریا گشتی یا ساخله‌میا پارێزگه‌ها دهوكێ یه مه‌ره‌م ژێ بلندكرنا ئاستێ خزمه‌تێن ساخله‌میێ یه، له‌ورا د رۆژێن بۆری دا زارۆ نه ب تنێ ل سه‌ر ئاستێ هه‌رێمێ به‌لكو ل ده‌ڤه‌رێن دی یێن عیراقێ ژی ل پارێزگه‌ها دهۆكێ هاتینه نشته‌رگه‌ریكرن كو 250 زارۆ هاتنه دیتن ژلایێ تیمێ ناڤبری و گۆتژی: 72نشته‌رگه‌ری هاتنه‌كرن كو تایبه‌ت بوون ب میزه‌رۆیێ ل ده‌ڤ زرۆیان، هه‌روه‌سان 48 و ئه‌م ل یێ ل وێ هیڤیێ ژی ئێدی ئه‌ڤ نشته‌رگه‌ری یه ل دهۆكێ ب به‌رفره‌هی بهێنه ئه‌نجامدان.
د.قادر محمه‌دصالح، رێڤه‌به‌رێ سه‌نته‌رێ نشته‌رگه‌ریێن زارۆكا دیاركر ئه‌و نشته‌رگه‌ری هه‌كه نه‌هاتبانه كرن ره‌نگه كارتێكرن دا ل گولچیسكێن زارۆیان بیت و ل دووماهیێ گیانێ خوه ژده‌ست دده‌ن.
ده‌رباره‌ی هه‌ردو نشته‌رگه‌ریێن بۆ جارا ئێكێ ژی هاتینه كرن، د.قادر محه‌مه‌دصالح گۆت: ئه‌و بۆ دو زارۆیان هاتنه كرن كو ل گه‌ل ژدایكبوونێ ده‌مارێن ده‌ستنڤێژا ستوور یان كماخ نینن و به‌ری نوكه ئه‌و دهاتنه ره‌وانه‌كرن بۆ ده‌رڤه‌ی وه‌لاتی، به‌لێ ئه‌ڤێ جارێ ئه‌م شیاین ب پشته‌ڤانیا نوشدارێن ئیتالی ل دهۆكێ چاره‌سه‌ربكه‌ین و مه باوه‌ریا هه‌ی ئێدی ئه‌ڤ جوره نشته‌رگه‌ریی دبه‌رده‌وام بن.
