ھونەرمەند جەلال سەعید کۆچی دوایی کرد

هه‌ولێر - KDP.info /  ئێوارەی دوێنێ  لەنەخۆشخانەی کۆماری ھونەرمەندی میللی شاری ھەولێر جەلال سەعید کۆچی دوایی کرد و بڕیاریشە   ئه‌مڕۆ بە خاک بسپێردرێت.
ھونەرمەند جەلال سەعید یەکێک بوو لە دەنگە دیارەکانی ھونەری میللی لەھەولێر , ماوەیەک بوو بەھۆی نەخۆشیەکی درێژخایەن لە نەخۆشخانە کەوتبوو.
جەلال سەعید، سەدان گۆرانی میللی و فۆلکلۆری کوردی زیندووکردووەتەوە و لە گەڵ ئەوەشدا دەیان تابلۆی ھەڵپەرکێی کوردی بەدەنگە زوڵاڵەکەی چڕیوە .