سبەی کەش وھەوا ئاسایی دەبێتەوە، بەڵام رۆژی چوارشەممە شەپۆڵێکی دیکەی باران بارین ھەرێم دەگرێتەوە

ھەولێر-تایبەت بەKDP.info/ بەرێوبەری کەشناسی و بومەلەرزەی ھەرێمی کوردستان ئاشکرایکرد، سبەی کەش وھەوا لە ھەرێمی کوردستان ئاسایی دەبێتەوە و رۆژی چوارشەممە شەپۆڵێکی دیکەی باران بارین ھەرێمی کوردستان دەگرێتەوە.

فازل ئیبراھیم بەرێوبەری کەشناسی و بومەلەرزەی ھەرێمی کوردستان بەkdp.infoراگەیاند: ماوەی چەند رۆژێکە ھەرێمی کوردستان کەوتۆتە ژێرکاریگەری نزمە پاڵەپەستۆیەک کە بەھۆیەوە  شەپۆڵێکی باران بارین ھەرێمی کوردستانی گرتۆتەوە و چاوەڕوان دەکرێت سبەی کاریگەری ئەو نزمە پاڵە پەستۆیە کەمبێتەوە و کەش وھەوا ئاسایی بێتەوە.

فازل ئیبراھیم گوتیشی:  پێشبینی دەکرێت رۆژی چوارشەممە شەپۆڵێکی دیکەی باران بارین ناوچە جیاجیاکانی ھەرێمی کوردستان بگرێتەوە و لەناوچە شاخاوییەکانیش بەفر ببارێت.