كوشتنا روژنامه‌ڤان( كاوه گه‌رمیانی) لپارێزگه‌ها دهوكێ دهیته ئیدانه‌كرن
دهوك تایبه‌ت ب KDP.info/ ب مه‌ره‌ما ئیدانه‌كرنا تیروركرنا روژنامه‌نڤیس (كاوه گه‌رمیانی) روژنامه‌نڤیس و روشه‌نبیرو ماموستایێن زانینگه‌هو رێكخراوێن جڤاكێ مه‌ده‌نی ێن پارێزگه‌ها دهوكێ ل به‌رده‌رێ پاركا ئازادی رابون ب خرڤه‌بونه‌كا نه‌رازیبونێ و ئه‌ڤ كریارا درندانه شه‌رمزاركرن.
دبه‌یاننامه‌یه‌كێ دا، رادگه‌هینن كو كوشتنا روژنامه‌ڤان( كاوه گه‌رمیانی) ب تیرور لی قه‌له‌م دده‌ن، و حكومه‌تا هه‌رێما كوردستانێ ب به‌رپرسیار دبینن و به‌شه‌ك ژ روژنامه‌ڤانێن دهوكی دیاردكه‌ن، كو ئه‌و دێ مانگرتنێ ژ خوارنێ راگه‌هینن هه‌تاكو تاوانبارێن روژنامه‌نڤیس (كاوه گه‌رمیانی) بهێن ده‌سته‌سه‌ركرن.
هه‌ر دبه‌یاننامێ دا كو بو، هه‌رسێ سه‌روكایه‌تیێن هه‌رێما كوردستانێ و رایا گشتی هاتیه، شه‌رمزراكرن و ئیدانه‌كرن دو په‌یڤێن ئێدی بوینه شه‌رم بێنه گوتن، و ئێدی ناهیته قه‌بولكرن، بكوژێن روژنامه‌ڤانان خودان رێزبن، و لسه‌ر جاده‌یا په‌یاسا بكه‌ن.
و كوشتنا روژنامه‌ڤان( كاوه گه‌رمیانی ) ئه‌م ب تیرور ل قه‌له‌م دده‌ین و حكومه‌تا هه‌رێما كوردستانێ ب به‌رپرسیار دبینن ئه‌گه‌ر بێت و بكوژان ب زویترین ده‌م راده‌ستی یاسایێ نه‌كه‌ن.
