بەرپرسی دەزگای هەڵبژاردنی پارتی دیموکراتی کوردستان..داوا لە هاووڵاتیان دەکات سەردانی بنکەکانی نوێکردنەوەی دەنگدان بکەن

لە دیدارێکی تایبەتدا لەگەڵ کەناڵی زاگرۆس خەسرۆ گۆران بەرپرسی دەزگای هەڵبژاردنی پارتی دیموکراتی کوردستان داوا لە هاوڵاتیان دەکات بۆ ئەوەی لەکاتی بەڕێوەچوونی پڕۆسەی هەڵبژاردن ڕووبەڕووی کێشە و گرفت نەبنەوە سەردانی بنکەکانی نوێ کردنەوەی تۆماری دەنگدان بکەن بۆ ئەوەی وەک مافێکی سروشتی خۆیان لەکاتی هەڵبژاردن بێبەش نەبن لە دەنگدان بەتایبەت هاوڵاتیانی شاری کەرکوک وموسڵ و ئەو ناوچانەی کە دەکەونە ئیدارەی دەرەوەی هەرێم....سەبارەت بە بەستنی هاوپەیمانی لەگەڵ حزب و لایەنەکان بۆ هەڵبژاردنی داهاتووی ئەنجومەنی نوێنەرانی عێراق خەسرۆ گۆران دەڵێ وەک پارتی داوامان لە گشت پارتە کوردیەکان کردووە بۆ هاوپەیمانی چاوەڕێی وەلامین لێیان