تیمەکێ نوژدارین ئیتالیدێ ٢٠ نشتەگەریان ژبو زارویێن دهوکێ ئەنجام دەت

دهوك- تایبه‌ت ب KDP.info/ بهەڤکاریا رێڤەبەریا گشتی یا ساخلەمیا پارێزگەها دهوکێ و رێکخراوا هیڤی نازدار یا زارویان تیمەکێ ئیتالی سەرەدانا پارێزگەها دهوکێ کر.

سەروکێ پشکا نشتەرگەرێن نەخوشیێن زارویان ل زانکویا سینا یا ئیتالی پروفیسور (ماریو مەسینا(راگەهاند و گوت: تیمێ مە دێ بو دوو حەفتیان ل دهوکێ بیتن و دێ 20نشتەرگەرێن سەخت ژبو زارویان ئەنجامدەین، دیسان گوت : ئەو نشتەرگەرێن گەلەک سەخت و هەستیار سالانە ئەم 10زارویان ل دەرڤەیی وەلاتی چارەسەر دکەین، ئەم دێ پشکنینان ژبو 200زارویان کەین ژ وانا 200زارویان 20٠ زارو دێ نشتەرگەری بو هێنە ئەنجامدان، و هەر نشتەرگەریەک 5دەمژمێرا ڤەکێشیتن.

ژ لایێ خو ڤە د،قادر محمەد صالح بەرپرسێ سەنتەرێ نشتەرگەرێن زارویان گوت:

 ئەڤە ژ سالا 2007وەرە سالانە تیمەکێ نوژداری ژ زانکویا سینا یا ئیتالی سەرەدانا پارێزگەها دهوکێدکەتن و شیانە 198نشتەرگەریان ژبو زارویێن پارێزگەها دهوکێ ئەنجام بدەن و ژ وانا 64زارو ل ئیتالیا نشتەرگەری ژبو هاتینە ئەنجامدان، و دیسان پشکنین ژبو 1228زارویان هاتینە ئەنجامدان

هەر وەسان د،قادر محمەد صالح گوت: 38تیمێن نوژداریێ ژبو راهێنان و مەشقکرنێ سەرەدانا ئیتالیا کرینە .