سه‌روكێ جڤاتێ موسل داخواز ژ ئه‌ندامێن جڤاتێ كر كو خو ل پێدڤی وداخوازیێن خه‌لكی بكه‌نه خودان
موسل- تایبه‌ت ب KDP.info/ ب سه‌روكاتیا بشار حه‌مید كیكی سه‌روكێ جڤاتا پارێزگه‌ها مویسل كومبونا ئاسایی یا یازدێ یا جڤاتا پارێزگه‌ها مویسل هاته ئه‌نجامدان .
د وێ كومبونێ دا چه‌ندین بابه‌تێن گرنگ یێن گرێدایی ب ره‌وشا پارێزگه‌ها مویسل ڤه هاتنه گه‌نگه‌شه‌كرن ژوان ژی ده‌ست بكاربونا چه‌ندین به‌رپرسیاره‌تیێن ئێمناهیی و دانانا رێڤه‌به‌رێ كاروبارێن نافخویی یێ پارێزگه‌ها مویسل .
هه‌روه‌سا رازه‌مه‌ندی هاته‌دان لسه‌ر ده‌ست كارڤه‌كێشانا غانم سولتان ژ جڤاتا پارێزگه‌ها مویسل و لدویڤدا گه‌نگه‌شه لسه‌ر كار و ئه‌ركێن چه‌ندین لیژنێن د ناڤ جڤاتا پارێزگه‌هێ دا هاته‌كرن، ل دوماهیێ سه‌روكێ جڤاتێ داخواز ژ ئه‌ندامێن جڤاتێ كر كو خو ل پێدڤی وداخوازیێن خه‌لكی بكه‌نه خودان وهه‌ر لیژنه‌ك لدویڤ بسپوریا راپورتێن خو پێشكێشی جڤاتێ بكه‌ن بوهندێ بكه‌ڤنه دبیاڤێ بجهئینانێ دا.
