لەرووداوێکی هاتووچۆ 20 قوتابی بریندار بوون

دووکان-  KDP.info/  ‌ ئه‌مرۆ چوار شەممە به‌هۆی‌ پێكدادانی‌ پاسێك و تانكه‌رێكی‌ سووته‌مه‌نی سه‌رجه‌م سه‌رنشینانی‌  پاسەکە كه 20‌ قوتابی بوون  ، برینداربوون. سەرچاوەیەکی نزیک لە رووداوەکە بە KDP.infoراگەیاند: نیوه‌رۆی‌ ئه‌مرۆچوار شەممە رووداوەکە لە ناوچه‌ی‌ پیشه‌سازی‌ دووكان روویداوەو .سەرەتا پاسێکی نەفەر هەڵگر خۆی بە تانکەرێکی سووتەمەنی کێشا و  ئەو رووداوەی لێکەوتەوە ، وەک بینەری رووداوەکە راگەیاند : هۆکاری رووداوەکە بە تەواوی نەزانراوە کە کامە شۆفێر سەرپێچی یاسایی هاتووچۆی کردووە بەڵام خراپی رێگاکە کەلە ژێر نۆژەنکردنەوە دایە یەکێک بووە لە هۆکارەکان.   بینەری رووداوەکە ئەوەشی راگەیاند: دوای رووداوەکە هاووڵاتیان و پۆلیس و ئەمبولانسەکانی فریاکەوتن گەیشتنە شوێنی رووداوەکە  و هەموو بریندارەکانی سەرنشینی پاسەکە  کە   20‌ قوتابی بوون  گواستەوە بۆ نەخۆشخانە و پۆلیسی هاتووچۆش رێکاری یاسایی  گرتەبەر و شایەنی باسە : وەک بینرا  سەرجەم بریندارەکان قوتابیانی ئاماده‌یی بوون  و جلی قوتانخانەیان لەبەر بووە . پردی‌ سه‌ره‌كی‌ دووكان ماوه‌یه‌كه‌ له‌ژێر نۆژه‌نكردنه‌وه‌دایه‌ و تائێستا ته‌واو نه‌بووه‌ و به‌هۆیه‌وه‌ رۆژانه‌ قه‌ره‌باڵغی‌ و رووداوی هاتوچۆ له‌وناوچه‌یه‌ ڕووده‌دات.