سەرۆکایەتیی هەرێمی کوردستان تەقینەوەکەی شاری قامیشلۆ ئیدانە دەکات‎‎

دوێنێ تەقینەوەیەک له‌ شارى قامیشلۆ رۆژئاواى کوردستان ڕووی داوە و ژمارەیەک  شەهید و برینداری لێکەتۆتەوە‎.‎

ئێمە لە سەرۆکایەتیی هەرێمی کوردستان ئەو کردەوە تیرۆریستییە بە توندی ئیدانە دەکەین و هاوخەمیی خۆمان بە کەسوکاری ‏قوربانییەکان ڕادەگەیەنین، لە خوای گەورە داواکارین شەهیدەکان بخاتە بەر ڕەحمەتی خۆی، سەرەخۆشیی لە خۆمان و ‏کەسوکاریان دەکەین و شیفای بەپەلەش بۆ بریندارەکان دەخوازین‎.‎

هەرێمی کوردستان ئامادەیە هەموو جۆرە هاوکارییەک بۆ چارەسەرکردنی بریندارەکان پێشکەش بکات‎.‎

 

سەرۆکایەتیی هەرێمی کوردستان

‏2013/11/24‏