دەوامی فەرمیی سەعاتێك كەم دەكرێتەوە

وا بڕیارە بەبۆنەی هاتنی مانگی ڕەمەزانەوە دەوامی فەرمیی لە سەرجەم دامودەستگاكانی هەرێمی كوردستاندا سەعاتێك كەم بكرێتەوە.

لەو بارەیەوە سكرێتری ئەنجوومەنی وەزیرانی هەرێمی كوردستان محەممەد قەرەداغی لە سایتی "ناوخۆ"ـی ڕاگەیاندووە كە وەكو ساڵانی پێشووی بەبۆنەی هاتنی مانگی ڕەمەزان و هاوكاریكردنی فەرمانبەران لەو مانگەدا, بڕیار دراوە لە مانگی ڕەمەزاندا سەعاتێك دەوامی فەرمیی كەم بكرێتەوە.

بە گوێرەی پێشبینییە فەلەكناسییەكان مانگی ڕەمەزانی پیرۆز لە ڕۆژی شەممەی داهاتووەوە دەست پێدەكات.