موسڵ .. سێ پۆلیس و دوو سەرباز گیانیان لە دەست دا
موسڵ - تایبەت بەKDP.info/ ئەمڕۆ لە ئەنجامی دوو تەقینەوە لە پارێزگای موسڵ سێ پۆلیس و دوو سەرباز گیانیان لەدەست دا.
لەمبارەیەوە سەعید مەموزینی بەرپرسی راگەیاندنی لقی چواردەی پارتی دیموکراتی کوردستان بە kdp.infoراگەیاند: ئەمڕۆ لە ئەنجامی دوو تەقینەوەی جیاجیادا لە پارێزگای موسڵ سێ پۆلیس و دوو سەرباز گیانیان لەدەست دا.
سەعید مەموزینی گوتیشی: شەوی رابردووش لە گەرەکی شیمال تیرۆرستان ھەشت خانووی کوردی شەبەکیان تەقاندنەوە ، بەڵام کەسی تێدا نەبوو، چونکە پێشتر لە ترسی ھەڕەشەی تیرۆرستان ماڵەکانیان بەجێھێشت بوو.
مەموزینی رونیشیکردەوە، رەوشی ئەمنی پارێزگای موسڵ زۆر خراپ بووە و رۆژانە تەقینەوە روودەدات.
