بنگه‌هێ نه‌هێلانا توند و تیژیێ دژى ئافره‌تان ل كه‌مپا دومیز هاته ڤه‌كرن
دهوك-تایبەت ب KDP.info/ پێخه‌مه‌ت باشتر خزمه‌تكرنا كوردێن روژئاڤا ئه‌وێن ل كه‌مپا دومیز هاتینه ئاكنجیكرن ب تایبه‌تى دبیاڤێ جڤاكى و ده‌رونى و خێزانى دا, ئه‌ڤرو ب ئاماده‌بونا بوتان محسن جێگرێ پارێزگه‌رێ دهوكێ ب وه‌كاله‌ت و رێڤه‌به‌رێ نه‌هێلانا توند و تیژیێ دژى ئافره‌تان ل دهوكێ و هژماره‌كا رێڤه‌به‌رێن حكومه‌تێ و نوێنه‌رێن یو ئێن بنگه‌هێ نه‌هێلانا توند و تیژیێ دژى ئافره‌تان ل كه‌مپا دومیز هاته ڤه‌كرن وگه‌ریانه‌ك دناف بنگه‌هى داهاته كرن و هیڤیا سه‌ركه‌فتنێ بو خواست د ڤێ خزمه‌تا ژ هه‌ژى دا بو خه‌لكێ روژئاڤا .
دداخویانیه‌كێ دا بوتان محسن جێگرێ پارێزگه‌رێ دهوكێ ب وه‌كاله‌ت گوت : ئه‌ف بریاره هاتیه دان بو ڤه‌كرنا ڤى بنگه‌هى بو هندێ داكو خزمه‌تا ڤى خه‌لكێ ده‌ربه‌ده‌ر بوى بكه‌ت , دیاره ده‌مێ خه‌لك ده‌ربه‌ده‌ر دبیت ئاریشێن وان زێده‌تر لێدهێن وزێده‌تر پێدڤى ب هاریكاریێ نه دبیاڤێ جڤاكى و ئاریشێن جڤاكى دا.
