كۆنفرانسی داینامیكی تازەی كورد لە فەرەنسا دەستی بە كارەكانی كرد
فەرەنسا- krg- KDP.info/ فەلاح مستەفا بەرپرسی پەیوەندیەكانی دەرەوەی حكوومەت بەشداری لە كۆنفرانسی داینامیكی تازەی كورد كرد، كە بە هەماهەنكی نوێنەرایەتی حكوومەتی هەریمی كوردستان لە فەرەنسا لەلایەن هەریەك لە ئینستتیوتی فەرەنسا بۆ پەیوەندییەكانی دەرەوە و پەیمانكەی جیهانی عەرەبی سەر بە وەزارەتی دەرەوەی فەرەنسا رێكخرابوو.
كۆنفرانسەكە دابەشكرابووە سەر چەند پانێڵێك بو گفتوگۆكردن دەربارەی پرسی كورد و پێگەی كورد، سەنتەری گرتووە لە رۆژهەڵاتی ناوەراست. رۆلی كورد لە عێراق و هەروەها پرۆسەی بەیوەندییەكانی نێوان كوردستان و توركیا و تەنگژەكان لە وڵاتی سوریا، هەروەها پانێڵی تر هەبوو دەربارەی كاریگەرییەكانی كورد لەسەر ئاستی هەرێمیی و جیهانی گفتوگۆی تێروتەسەلی لە سەر كرا.
فلاح مستەفا وتارێكی تێروتەسەلی لە بارەی پەیوەندییە دیپلۆماسییەكانی حكوومەتی هەرێمی كوردستان لە گەڵ وڵاتانی دراوسێ و هەروەها سیاسەتی كرانەوەی حكوومەتی هەرێم بەرانبەر بە كۆمەڵگای نێودەوەڵەتی پێشكەشكرد.
هەروەها بەرپرسی پەیوەندییەكانی دەرەوە خۆشحاڵی حكوومەتی هەرێمی كوردستانی دەربڕی سەبارەت بە دەستكەوتەكانی هەرێم و داوای پشتگیری كۆمەڵگای نێودەوڵەتی كرد لە دۆزی رەوای كورد.
شایەنی باسە لەم كونفرانسەدا شارەزا و پڕۆفیسۆر لە بواری سیاسەتی كورد و رۆژهەڵاتی ناوەراست هەروەها شارەزیان لە سیاسەتی وڵاتەکانی ئێران و توركیا و سوریا تێیدا ئامادەبوون. هەر لەم كۆنفرانسەدا لە پانێڵێكی تایبەتدا بێرنارد كۆشنێر دۆستی گەلی كورد و وەزیری پێشووی دەرەوەی فەرەنسا تیشكی خستە سەر بەهێزی داینامیكی كورد و رۆڵی هەرێمی كوردستان لە ناوچەكە و بەرەوپێشچوونی هەرێم لە رووی ئابووری و ئاسایش و پەیوەندییەكانی هەرێم لە گەڵ وڵاتانی دراوسێ.
