شانده‌كێ قونسلخانا ئه‌لمانیا و ژورا بازرگانى و پیشه‌سازى دهوكى خورتكرنا په‌یوه‌ندییان گه‌نگه‌شه‌كر
دهوك- تایبەت ب KDP.info/ ژلایه‌كێ دیڤه شانده‌كێ قونسلخانه‌یا ئه‌لمانى ب سه‌رۆكایه‌تیا (ئه‌لفرید سیمس) كونسلێ گشتى یێ ئه‌لمانیا ل هه‌ولیرێ سه‌ره‌دانا ژوورا بازرگانى و پیشه‌سازى یا دهۆكێ كر و ژلایێ سه‌رۆك و ئه‌ندامێن ژوورێ ڤه هاتن پێشوازیكرن.
درونشتنه‌كێ ده (ئه‌یاد حه‌سه‌ن) سه‌رۆكێ ژوورێ گوت ئه‌م ژ دل سوپاسیا قونسلخانه‌یا ئه‌لمانیا ل هه‌ولێرێ دكه‌ین كو هه‌ر ده‌م هاریكاره بۆ دانا ڤیزان ب بازرگانى كورد و مه داخوازى پێشانگه‌هێن خوه یێن ده‌وله‌تى دكه‌ن دیسان هاریكاریا كوردستانێ د گشت سه‌كته‌رێن دى یێن ژیانى داكریه ژبه‌ر هندێ ژى به‌رهه‌مێ كومپانیێن ئه‌لمانى پرى بازارێ كوردستانێ بوینه و ئه‌ڤه ژى تشته‌كێ دلخوشكه‌ره ژبه‌ر كو نوكه بازار یێ ل كوالێتیا ئه‌وروپى دگه‌ریێت نه‌خاسمه پیشه‌سازى یا ئه‌لمانى، سه‌رۆكێ ژوورێ ژ كونسلێ ئه‌لمانى خواست كو وه‌به‌رهێنانێ د سه‌كته‌رێن چاندن و گه‌شت و گوزار و بانك و ساخله‌میێ دا بكه‌ن كو ئه‌ڤرۆ هه‌رێما كوردستانێ گه‌له‌ك پێدڤى بڤان سه‌كته‌رێن وه‌به‌رهێنانێ هه‌یه.
ئه‌لفرید سیمس ژى سوپاسیا سه‌رۆكێ ژوورێ كر و گوت ئه‌ڤ سوپاسیه هه‌مى بو وى ستافێ به‌رى من ل كونسلخانێ كاركرین دزڤریت لێ ئه‌ز ژى سوزێ دده‌مه وه كو به‌رده‌وام بم لسه‌ر وى رێبازا خزمه‌تكرنێ و ئه‌ڤرۆ ئه‌ز پتر ژبۆ هه‌ڤ نیاسینێ هاتیمه دهۆكێ لێ من گه‌له‌ك پرۆژه‌یێن وه‌به‌رهێنانێ دیتن له‌ومافه‌ره ئه‌م سه‌رمایه‌دارێن ئالمانى رازى كه‌ین كو بهێن وه‌به‌رهێنانێ ل دهۆك و سلێمانیێ ئه‌نجام بده‌ن نه به‌س ل دهۆكێ و لنێزیك دێ كومه‌كا بازرگانێن ئه‌لمانى ئینم داكو دگه‌ل بازرگانێن دهۆكێ كوم ببن.
