‏قائممقامێ زاخو:خزمه‌تكرن بێ جوداهیا نه‌ته‌وه‌ یان ئاین وئولان ئه‌ركێ مه‌یه

زاخو- تایبەت ب KDP.info /  دماوێ پێشوازیكرنا شاندێ بزاڤا دیموكراتیا ئاشورى به‌سه‌روكاتیا  یوسف ئیشو سێمیلى ئه‌وا سه‌ره‌دانا قائممقامیا زاخو كرین و ژبال خه‌لیل مه‌حمود قائممقامێ زاخوڤه‌ هاتن پێشوازیكرن و ردونشتنه‌كێدا دگه‌ل شاندى ناڤهاتى به‌رپرسێ شاندى چه‌ند تیشكه‌ك ئێخستنه‌ سه‌ر وان گهورینێن ڤێ داویێ و دیاركر مه‌ره‌م ژسه‌ره‌دانا وان خورتكرنا په‌یوه‌ندیانه‌ و دیاركرنا پشته‌ڤانى یه‌ ل كاروپروژێن خزمه‌تگوزایێن بۆ هاولاتیان دهێنه‌ ئه‌نجامدان لدڤه‌رێ و هیڤیى خواستن كو به‌رده‌وام بن لسه‌ر پێشكێشكرنا خزمه‌تگوزاریێن جودا جودا لهه‌مێ جهێن ده‌ڤه‌رێ .

دپتشرا قائممقامى َزاخو سه‌ربارى بخێرهاتن و پیروزباهیكرنا وان بهه‌لكه‌فتا به‌ستنا كونگره‌ى دناڤ بزاڤا دیموكراتیا ئاشورى دازانین ئه‌م وه‌كو حكومه‌تا هه‌رێما كوردستانێ دئامادینه‌ و هه‌ر وه‌كو به‌رى نوكه‌ژى دهه‌مى كابینان دا خزمه‌تا هاولاتیان بێ جوداهیا ئاین و یان ئول و یان نه‌ته‌وه‌ بكه‌ین و خزمه‌تكرنا وان ئه‌ركێ مه‌یه‌.
دته‌وه‌ره‌كێ دیتر یێ رونشتنێ دا قائممقامێ زاخو دیاركر پێتڤى یه‌ ته‌نسیقه‌كا زورا موكم و باش دناڤبه‌را هه‌مى پارتێن سیاسى یێن هه‌رێما كوردستانێ داكو خزمه‌تا سه‌رجه‌م خه‌لكێ كوردستانێ بهێته‌ كرن و هه‌روه‌سا ئێك رێزیا ناڤ مالیا كوردى ژى بهێته‌ پاراستن و پاشى قائممقامێ زاخو ئه‌وژى نه‌ڤه‌شارت كو وه‌لاتێ مه‌ بویه‌ نموونه‌كا زیندى ژبو پێكڤه‌ژیانێ و دڤى واریدا پێگه‌هه‌كێ زورێ موكم هه‌یه‌ دروژهه‌لاتا ناڤه‌راست دا .