موزه‌خانا نیشتمانی یا شونواران ل دهوكێ هاته ڤه‌كرن
دهوك-KDP.info/ ب ئاماده‌بونا به‌رێز (ته‌مه‌ر ره‌مه‌زان )پارێزگه‌رێ دهوكێ وچه‌ند به‌رپرسێن فه‌رمانگه‌هێن میری ول ژێر دوریشمێ ((لبن سیبه‌را ئالایێ كوردستانێ موزه‌خانا دهوك یا نیشتمانیهاته ڤه‌كرن.
پشتی رێورسمێن ڤه‌كرن پارێزگه‌رێ دهوكێ ویێن دگه‌لدا گه‌ریانه‌ك ل ناڤ هولێن موزه‌خانێ كرن وژنێزیك سه‌حكرنه وان شونوارێن تێدا هاتینه پاراستن . پارێزگه‌رێ دهوكێ ده‌ست خوشی ل رێڤه‌به‌ریا شونوارێن دهوكێ كر ل دور ئه‌و كار وره‌نجا كێشای بو كومكرن وپاراستنا شونوارێن شارستانیه‌تا ده‌ڤه‌رێ وبه‌رهه‌ڤیا خو دیار كر بو هه‌ر پشته‌ڤانییه‌كێ .
ل دور ڤه‌كرنا موزه‌خانا نیشتمانی ل دهوكێ وئه‌و تشتێن تێدا هاتینه كومكرن وبه‌رچاڤكرن (د.حسن احمد قاسم ) رێڤه‌به‌رێ شونوارێن دهوكێ گوت: ناڤێ ڤێ موزه‌خانێ، موزه‌خانا نیشتمانی یه چونكێ ئه‌و شوینوارێن هاتینه به‌رچاڤ كرن هه‌می یێن شارستانیه‌تا كوردستانێ نه موزه‌خانه‌كا ئێكانه‌یه ل كوردستانێ شوینوارێن وێ ل ئاخا كوردستان هاتی نه دیتن
. هه‌روه‌سا شه‌نگه‌سته‌یه بو موزه‌خانا نیف ده‌وله‌تی یا مه‌زن یا كو ئه‌ڤ ساله دێ ل دهوكێ هێته ئاڤاكرن. ئارمێ وێ موره‌كا لوله‌یی یه یا پادشایێ میتانی كو دهوك دوی سه‌رده‌می دا ئێك ژ ناڤدارترین باژیرێن وان بو كو دگوتێ باژارێ( su-du-hi) شودوخی نو كه‌ژی بهه‌مان ناڤ دبێژنێ شندوخا كو تاخه‌كێ دهوكا نوی
،لسالێن 1500 به‌ری زاینی چونكی دوی سه‌رده‌می دا خه‌لكی كوردستانی ب پیروزی به‌رێ خو ددا روژێ و دوی سه‌رده‌می دا خه‌لكێ ڤی وه‌لاتی پێشه‌نگ بو ژبو بخودانكرنا هه‌سپا و بكار ئینانا عه‌ره‌بانا دجه‌نگا دا.
ل دور گرنگیا موزه‌خانێ گوت : دڤێ موزه‌خانێ دا پتر ژ (1000) پارچێن شوینوارا هاتینه به‌ر چاڤ كرن كو هه‌مێ ده‌ربرینێ ژ شارستانیه‌تا كوردستانێ دكه‌ن گه‌له‌ك ژ ڤان پارچا ل چ موزه‌خانه‌كا جیهانی نینن، ئه‌ڤ كاره ب زه‌ندو باسكێن كورو كه‌چێن كوردا هاتی نه دیتن و سه‌خبێر كرن و به‌رچاڤ كرن بڤێ چه‌ندێ ئه‌ڤ موزه‌خانه باشترین شاهدێ دلخوشكه‌ره كو گه‌نجێن كوردا دشێن دڤی بواری دا ده‌ستكه‌فتێن هه‌ره باش بده‌ست ڤه بینن ئه‌گه‌ر پشته‌ڤان هه‌بن.
ل دور سیسته‌مێ موزه‌خانێ د. حسن ئه‌حمه‌د قاسم گوت : سیسته‌مێ موزه‌خانێ سیسته‌مه‌كێ ئه‌مریكی یه ژ رویێ داتابیسێ ڤه و ژ رویێ خزانات و روناهی یێ ڤه زور پێشكه‌ڤتی یه ئێكه‌مین جاره ل روژهه‌لاتا ناڤه‌راست ئه‌ڤ سیسته‌مه بهێت بكار ئینان و جهێ شانازی یی یه ئه‌ڤرو ل دهوك رێڤه‌به‌ری یا شوینوارا بكاریت بڤی كواله‌تیێ ڤی پروژه‌ی ئه‌نجام بده‌ت.
